Job 6:24 - Chuj San Sebastian Bible

²⁴ 'A'c in cuynb'il chi wab'i', 'oj in cha wab' 'ayex; tzeyaln pax wab'i', 'ajtil 'ix laj 'och in mul cha.

Chuj San Mateo Bible

²⁴ Aq'uec in c'ayb'ub'al, ol in cha vab' d'ayex. Ch'oxec och in mul chi' d'a in sat.

Job 6:24 Referans Kwoze

Santiago 3:2

Yujto qui masnil, til wal 'ejm tz'och qui mulc 'a Dios. Toto may 'aj tz'och qui mulc yuj tas tzcala, caw wach'n̈ec 'a sat Dios, tztac' qui tennec pax 'och wan qui niwnal smasnil.

Pr 9:9

Toto tzqui cuyc eb' jelan, yel xo caw jeln 'oj 'aj 'el'ch eb'. Toto tzqui cuyc pax eb' wach' snab'en, 'oj wach' tz'acwoc snab'en eb'.

Job 10:2

Ax waln 'a Dios 'ixtic: Ach in Diosal, man̈ ala' to 'ay in mul. Toto 'ay in mul cha, al 'ayin 'aj 'ix 'och in mul.

Salmos 32:8

Mamin Jehová, ach 'ix al 'ayn 'ixtic: Q'ueln in 'ochn̈ej 'ayach, 'oj ach in cuyu', 'oj wac' a nab'enoc, ax in ch'oxn jun b'e 'aj 'oj a b'eyi.

Salmos 19:12

May wal junc on̈ tztac' quilnec cot qui b'a yuj qui paltail. Ach in Diosal, coln 'el 'a jun tzo'n̈ xo in paltail matz nachj cot wu'uj.

Job 34:32

Ch'ox cot in mul matz in na cot cha. Toto 'ay 'aj tu xlaj wutej, ax ticnec, man̈x 'oj in b'o jun 'ejm xo, comnoc xa chi.

Job 33:1

Yuj cha, a ticnec mamin Job, maclj ab' tas 'oj wala'; tza chan pax ab'i'.

Job 5:27

Ach Job, a tas xwal tic, cojc si'mb'il to 'ixta yaji; yuj cha, tzcham wal a cuyn jun tzo'n̈ tic, yujto a wach'loc tz'aji, xchi win Elifaz cha.

Pr 25:12

'Icha wal q'uen colc'ab' mto q'uen ton̈ caw wach', to nab'a oro, 'ixta wal tennb'il tzyac' eb' jeln snab'en, toto tzqui chajec cab'i'.

Job 32:11

An tic, xin maclj wab' tas xlaj e say eyala', sictac waji yic ex laj paxtini. 'Ix wil wal e sayn jun tzo'n̈ tas wach' xcob' laj eyal coti.

Santiago 1:19

Ex wu'tac, ex wanab', chamc'ojlb'ilx wu'uj. Eyojc xon jun tzo'n̈ tic tzwal tic. Yuj cha, caw lista tzeyutj e b'a eyab'xni. Man̈ comnoc tzeyal eyic muc'uc. An̈jtona', man̈ comnoc tzcot eyowal.

Job 6:25

Alc tas yel 'ayin wach'xam ya' 'oj wab'i'; palta ax tic, caw may yel'ch jun tzo'n̈ tzeyal 'ayn tic.

Job 13:23

Al 'ayin 'ajtil xlaj 'och in mul, 'ajtil 'ay tas tu xwutej. 'Ajtil 'ay chi 'aj in 'ec' 'a yib'an̈.