Job 6:14 - Chuj San Sebastian Bible

¹⁴ A mach 'aych 'a syailal, smoj wal yajx sniwnal sc'ojl yuj eb' swach'c'ojol, wach'xam to a Dios tztac' yuj smasnil, man̈x 'a yel'ch 'a sat jun 'anma cha.

Chuj San Mateo Bible

¹⁴ A junoc mach ayoch d'a syaelal, vach'chom man̈xa yelc'och Dios Syal Yuj Smasanil d'ay, palta smoj val tz'ac'ji snivanil sc'ol yuj eb' svach'c'ool.

Job 6:14 Referans Kwoze

Pr 17:17

A junc mach wach' xon cajc yet'oc, 'aychn̈ej quet'oc. A yic tzjaw qui yailal, 'icha wal to cu'taquec qui b'a yet'oc, 'ixta tzyutj sb'a.

Gl 6:2

Caw tzlaj e coltc e b'a, sec 'oj laj techjoc syal eyuj e masnil. Toto 'ixta', wan eyiclni sley Cristo smasnil.

1 Co 12:26

Q'uinloc 'ay junc eb' tzyab' syail, tzyab' syal pax smasnil yet'oc. Toto 'ay pax junc tzaljc'ojlal yaji, tzaljc'ojlal yaj eb' smasnil yet'oc.

Ro 12:15

A mach tzalji, tzalj coyc yet'oc. Ax mach tzcusi, cus coyc pax yet'oc.

Lc 23:40

Ax jun win yitb'eym win chi 'ix tenn 'och wa'an. 'Ix yaln win 'ixtic: —¿Tom matz ach xiw jac 'a Dios? 'In lajn cajch 'a yol sc'ab' jun yailal tic yet'oc.

A Ch'an̈ Carta D'a Eb' Hebreo 13:3

Qui nac cot eb' 'aych 'a preso, 'icha cab' to preso cajc yet' eb'. Qui nac cot pax eb' tz'ajx syailal, yujto an̈ec tic, lajn on̈ yet' eb'. Lemb'il 'oj 'ajxc pax qui yailal yet' eb' jun xo.

2 Co 11:29

Toto 'ay eb' mant 'a ste'nal, caw tzin 'och 'il yuj eb', 'icha to may in te'nal yet' eb'. Toto 'ay eb' tz'ajx juwc 'el snab'en, caw tzwab' syal si'mb'il yuj eb'.

Job 19:21

Ex in wach'c'ojol, 'o'ch cab' e c'ojl 'ayin, yujto a Dios 'ix 'a'n 'och in yailal.

Job 16:5

Palta an tic matz in b'o 'ixta'. A tas tzwal am 'ayex, atn paxti wach', to tzyac' sniwnal e c'ojl 'a scal eyailal.

Job 15:4

Ach xo tic tzala to may yel'ch xiwc'ojlal 'a Dios, may yel'ch pax 'emmquilal 'ayach.

Gn 20:11

'Ix ta'w Abraham 'ixtc 'a winac: —A xwutj in nani, to a 'a jun lugar tic may junc mach 'ay xiwc'ojlal 'a Dios, yuj cha, toq'ue tzin milx cham yuj 'ix wistzil tic in nani.

Job 1:5

A yic tzlajw yec' q'uin̈ chi 'a junjn eb', tzyawtn win Job chi smasnil eb' yunnal cha yic tzsacb'tzan sb'a eb' 'a sat Dios. Ax 'a junx c'u, tzseb' q'ue wan win yac' tz'a xajmb'al yuj junjn eb' yunnal cha, yujto lemb'il tzlaj 'och smul eb' sb'uchwj 'a Dios snan winac. Yuj cha, 'ixtan̈ej tzyutj sb'a win 'a junjn 'ejem.

Zacarías 7:9

Atn jun tzo'n̈ tic waljnac 'a eb' in chon̈b' 'a yic pecti': Tojl cab' tzeyutj e b'eyc'ojlwi, wach' tzeyutj e nab'en, 'o'ch cab' e c'ojl 'ayx junjn ex.

Pr 25:19

A yic 'ay eyailal, toto a junc 'anma tu snab'en tzeya'ch yipc e c'ojol, lajn wal jun chi 'icha yic tzwecchj coquec, mto 'icha yic to oln xo que.