Job 5:4 - Chuj San Sebastian Bible

⁴ Ax yunnal eb', man̈x 'a mach tzcolwj 'a eb'; a yic tzc'och eb' 'a sat eb' yajal, caw wal man̈x 'a yel'ch tz'aj eb' ta', man̈x 'a mach tzcoln eb'.

Chuj San Mateo Bible

⁴ A yalyuninal eb', man̈xa mach scolvaj d'a eb'. Ayic sc'och eb' d'a yichan̈ eb' yajal, man̈xalaj tz'aj yelc'och eb', man̈xa mach scolan eb'.

Job 5:4 Referans Kwoze

Salmos 127:5

Tzaljc'ojlal yic eb' niwn yunnal, yujto 'icha jun tzo'n̈ jul-lab' cha, 'ixta yaj eb' 'a eb'. Ma'oj 'el sq'uixwel eb' 'a yojltac eb' 'ajc'ojl yajch 'a eb' yic 'oj scoln sb'a eb' 'a sat eb' yajal.

Salmos 119:155

A eb' maysch'olnil sb'eyb'al, najt yajl eb' 'a stz'ey jun colnb'il tic, yujto matz ya'ch eb' sc'ojl 'a a checnb'il.

Am 5:12

Wojtac jantc maysch'olnil tz'el e b'oni. Man̈x 'a slajb' jun tzo'n̈ e mul cha. Caw tzeyixtj eb' wach' snab'en, tze chan q'uen c'ultac tumn yuj junc tas man̈ wach'c tzeyutj e b'onyaji. A 'a e despacho, ata tzeya'cn 'och 'a yib'n̈ eb' meb'a 'anma to wach' snab'en.

Salmos 7:2

Yujto lajn eb' 'icha no león yic ch'iychtan no schib'ej. Comnoc matz in ac' sch'iychtoc 'at eb', yujto may junc xo mach tztac' in scolni.

Job 27:14

Wach'xam niwn yunnal eb', palta 'oj cham eb' 'unnab'il chi 'a scal owal, mto a wejl 'oj milnc eb'.

Job 10:7

Wach'xam ojtac to may in mul, palta toc 'ay mach tztac' in scoln 'el 'a yol a c'ab'.

Job 8:4

A eb' onnal cha, tecn 'ay smul eb' x'och 'a Dios, yuj cha, xya'n jawc yailal 'a yib'n̈ eb'.

Job 1:19

axn wal cha, xjaw jun niwquil 'ic' xcot 'a lum cusltac lu'um. 'Ix sma'n 'ejm lan̈chjoc te n̈a chi 'a yib'n̈ eb' onnal cha, 'ix cham eb' smasnil. Cojxn̈ej in 'elcni yic tzwul walnc ab'i', xchi winac.

Ex 20:5

Man̈ ex 'em n̈ojn 'a 'a, man̈ eyac' 'ejm e b'a 'a junc yechl cha, yujto an Jehová e Diosal in, caw tzcot wowl 'ayex toto tzeyac' 'ejm e b'a 'a junc eb' cha. 'Oj wa'ch eyailal ax mamb'il ex toto may wel'ch 'a e sat, ax wa'n jawc yailal 'a yib'n̈ eyunnal, yet' smasnil eyin̈til.

Josué 20:4

A junc mach tz'at scol sb'a cha, yowlal tzc'och 'a smac jun chon̈b' cha, tzlajw cha, tzyaln 'a eb' yichm wincal chon̈b' cha, yuj tas tz'el-l 'a yib'an̈. Toto 'ixta', ax ewin tzchan 'och jun 'anma chi 'a yol schon̈b' cha; tzlajw cha, tz'ajx junc yet'l 'aj wach' scan cajan.

Job 20:10

A tas 'elc'b'il yuj eb', a yunnal eb' 'oj 'a'nc meltzjoc 'a eb' meb'a'.

Pr 24:7

A mach may snab'en, caw matz nachj yu'uj tas tzyal 'a yojltac win yajl 'a sdespacho, ton̈j sictac tz'aji, yujto may sjelnal.