Job 5:2 - Chuj San Sebastian Bible

² A junc 'anma may snab'en, a yowl sc'ojl chi 'oj milnoc, ax mach tznib'n 'och junc tas, 'oj c'un cham yuj schichnc'ojlal.

Chuj San Mateo Bible

² A junoc anima chuc spensar, schichon sc'ool, snib'anoch tastac. A schichonc'olal chi' ol ic'anel sq'uinal.

Job 5:2 Referans Kwoze

Ec 7:9

Man̈ c'unoc cab' scot cowlec, yujto a jun owl cha, yic eb' may snab'en yaji.

Ro 2:8

Palta 'ay pax eb' 'aj 'oj yac' Dios yowl sc'ojol, ax ya'n can 'och syailal eb', atn eb' tznib'j axn̈ej 'ay yel'chi. Matz yiclj eb' jun cuynb'il caw yel. Cojn jun tzo'n̈ maysch'olnil 'aj 'aych snab'en eb'.

Os 7:11

A eb' 'aj Efraín, lajn wal eb' 'icha junc no 'uch may snab'en, ton̈j tzsatq'ui. Tz'at sc'an eb' colwal 'a Egipto, tz'at sc'annc eb' colwal 'a Asiria.

Pr 12:16

Toto may qui nab'enec, caw yajn̈ej tzqui ch'oxnec 'el cowal; ax toto 'ay qui nab'enec, wach'xam tzon̈ 'ixtxec, palta ton̈j tz'ec' 'el junc chi cujec 'ixta'.

Salmos 107:17

'Ay eb' maysch'olnil snab'en, 'ix laj 'och syailal eb', caw tzyab' eb' syal yuj tas maysch'olnil tzb'o'o.

Salmos 92:6

A eb' 'anma may snab'en, mto eb' tz'ec' 'a yib'an̈, caw matz nachj 'el yuj eb'.

Salmos 75:4

Tzwal 'a eb' tzb'an̈ sb'a, yet' 'a eb' maysch'olnil tas tzb'o'o, to matz tac' sb'an̈n sb'a eb', matz tac' pax yi'n chan̈ sb'a eb'.

Salmos 14:1

A eb' tu sb'eyb'al, may Dios snan eb'. 'Ix juw 'el snab'en eb' smasnil. Til wal tas yajb'entac xlaj sb'o eb', man̈x 'a junc mach tzb'on tas wach'.

Job 18:4

¿Tas yuj tza chal lajwc a b'a yuj a chichnc'ojlal? Am wal a nani to yuj 'ixta tzotj a b'a cha, ax scan lum lum tic 'a sictaquil, mto 'oj jelmjoc q'uen niwc q'uen 'a yet'ul.

Gn 30:1

Snan sb'a sc'ojl 'ix Raquel, yujto may yune 'ix yet' Jacob, yuj cha, syamn 'och 'ix schichn 'och 'a spatc 'ix Lea cha, xyaln 'ix 'a win Jacob chi 'ixtic: —'Ac' wune', toto ma'ay tic 'oj in chami, xchi 'ix.

2 Ti 3:6

A eb' 'anma cha, 'ay eb' 'oj c'ultac 'och 'a yol jun tzo'n̈ n̈a. Ax yixtn paxti eb' jun tzo'n̈ eb' 'ix 'ix man̈ nab'enal yaji. A eb' 'ix 'ix cha, juwnac xon 'el snab'en eb' yuj maysch'olnil. Til wal jun tzo'n̈ maysch'olnil tznib'j 'och eb', an̈jta 'aych snab'en eb'.

Jonás 4:9

'Ix yaln Dios 'a 'ixtic: —¿Tom wach' cob' a nani to tzcot owal, yujto xtacj 'el jun 'ib'n̈ te te 'aych en̈loc tic? xchi Dios. —¡Yel pax tzwala, toxn̈ej tzin cham yuj wowl tic! xchi Jonás cha.

Pr 8:5

Ax wal ax tic, ex to mant 'a e nab'en, cuyc wal e b'a 'a jelnal. Yet' pax ex to tu e nab'en, sayc 'ec' pax wach' nab'enal.

Pr 27:3

A q'uen q'ue'en yet' q'uen arena, caw 'al q'ue'en; 'ixta wal yowl sc'ojl junc tu snab'en, caw wal matz techj cu'uj.

Gn 38:9

A win Onán, yojc xo winac to a jun 'unn tzb'ab'l 'alji, man̈ yico'oc win yet' 'ix smu cha, yuj cha, yic tzway win 'a junjn 'ejm yet' 'ix, ax 'a sat lum tzya'cn 'ejm win yin̈til, sec matz pitzw chan̈ 'unn 'a 'ix snan winac, sec wach' may yin̈tl win yu'tac win chi tz'elcni.

Pr 19:16

A mach tzyiclni schecnb'il Dios, 'icha to wan stan̈wni sb'a yet' sq'uinal; ax toto tzpatquilj can 'el scuynb'il, 'oj cham muc'uc.

Pr 19:19

A mach c'un scot yowal, scha cab' spac 'icha wal tas smoj schani; toto tzqui col 'a yol sc'ab' syailal cha, 'oj sb'eylb'ocn̈ej yowl cha.