Job 39:5 - Chuj San Sebastian Bible

⁵ ¿Mach 'ix 'actn can 'el no calte'al b'uru tza na'a? ¿Mach 'ix alni yuj cha libre yaj no'?

Chuj San Mateo Bible

⁵ ¿Mach ac'jinaccan noc' caltacte'al b'uru? ¿Mach aljinaccani, yuj chi' libre yajcan noc'?

Job 39:5 Referans Kwoze

Job 24:5

A eb' meb'a cha, lajnxoj eb' 'icha no calte'al b'uru 'a cusltac lu'um, teb'il tz'ilchj jac tas tzc'ux eb'. A 'a lum cusltac lum chi 'oj say eb' tas tzyac' sc'ux yunnal.

Job 11:12

'Icha matz tac yalj junc 'anma 'a junc no calte'al b'uru, 'ixta pax junc mach may snab'en 'icha ach tic, ¿tom 'ay 'oj 'aj sjaw snab'en?

Job 6:5

Q'uinloc caw yax te c'ultc 'aj tzwa no b'uru, ¿tom 'oj 'el yaw no'? Q'uinloc 'ay tas tzc'ux no wacax, ¿tom 'oj 'el yaw no yuj wejel?

Salmos 104:11

Atn a a chi tzyu'j no calte'al noc', a a tz'i'n 'ec' stacn̈til no calte'al b'uru.

Os 8:9

Caw wal may xon jac snab'en eb'. Lajn xoj eb' 'icha junc no calte'al b'uru, mun xoj tzna eb' 'aj tz'ati. A eb' 'aj chon̈b' Efraín 'ix 'at eb' sc'an scolwal Asiria. Xlaj stoj eb' jun tzo'n̈ xo nacion̈ tzcolwj yet'oc.

Dn 5:21

'Ix pechx 'el 'a scal yit 'anma'il, 'ix jelmj snab'en, lajn x'aj snab'en 'icha no noc'. Ax yet' no calcte'al b'uru 'ajnc cajan, a te c'ultc slo 'icha no wacax. 'Emnc chicb'chan̈ 'a yib'n̈ sniwnal, masnto xnachj 'el yu'uj, chajtlto a jun Dios cojxn niwn yel'chi, a tz'a'n yajlil 'a yib'n̈ eb' tz'och reyal. A mach tznib'j tzya'ch yajlil 'a junjn chon̈ab', tzya'chn̈ej.

Jeremías 14:6

Yet' no calte'al b'uru, ata tz'aj lin̈n no 'a lum cusltac lum 'a tzalan, axta tzyu'j no 'ic' 'icha no 'oques. Caw tzq'uic'b'el yol sat no', yujto may te c'ultc wach' slon no', xchi Dios.

Jeremías 2:24

Lajn ex wal 'icha junc no calte'al 'axna, c'aync no yec' 'a lum cusltac lu'um, tzalj no yu'n 'ic' ta'. A wal yic 'aych no 'a stiempoal stajni, toc 'ay junc mach tztac' stenn 'och wan no'. Toc tzc'unb' no b'uru sayn 'ec' no 'axna chi 'a yic stiempoal stajn cha.

Is 32:14

Ax sdespacho eb' yajal, cusltac 'oj 'ajcni; 'oj sat chan̈ eb' 'anma cajn 'a yol chon̈ab'. A jun tzo'n̈ schon̈b' eb' 'aych smuroal, 'oj 'ochcn yet'loc no calte'al noc'. Ata 'oj 'iljoc e no calte'al b'uru 'a tzaljc'ojlal. Wach' 'oj wa e no calnelu ta'.

Gn 49:14

Ach xo ach tic Isacar, lajn ach wal 'icha junc no b'uru caw 'ay yip, tz'ilj 'a yol scolal.

Gn 16:12

Yuj cha, caw jeln 'oj 'aj 'el'ch jun 'unn cha, 'icha junc no c'ultquil chej. 'Oj yac' win owl yet' eb' 'anma', ax ya'n pax eb' 'anma owl yet' winac. Palta 'oj niwtjoc eb' yin̈til, toxn̈ej to matz chaj sc'ojl eb' yu'tac win cha, xchi jun ángel cha.

Job 39:4

A yic tz'och yip e no cotc cha, tz'atcn e no 'a calte', man̈xtzac japx e no 'a snun cha.

Job 39:10

¿'Ojm stac' a'n q'ue te yugo 'a sjolm no', yic tza'n t'ocwc lum no', 'oj yal am sc'ojl no yoch tza'n o'oj?