Job 38:8 - Chuj San Sebastian Bible

⁸ A yic xn̈i'chj q'uel a mar 'a yib'n̈ lum lum tic, ¿mach 'ix 'a'n 'och smacl sat a', yic 'ix 'och wan a'?

Chuj San Mateo Bible

⁸ Ayic ix elul chulnaj a' mar d'a sat lum tic, ¿mach ix macan sat a' yic scann̈ej a' b'aj aycani?

Job 38:8 Referans Kwoze

Gn 1:9

Xlajw cha, 'ix yaln pax Dios 'ixtic: Syam cab' sb'a a a 'ay 'a yaln̈ satcha'an̈, sec junxn̈ej tz'ajcn a', yic tzcheclj can chan̈ lum lum taquin̈, xchi. 'Ixta x'aji.

Jeremías 5:22

An Jehová in, an tzwala: Ax tic, caw may jac wel'ch 'a e sat, matz ex xiw xon jac 'ayin. An in b'ojnac 'ejm q'uen arena smacnb'ilc stitc a mar, sec matz 'e't a 'a yib'n̈ q'ue'en. Wach'xam caw ow sq'ue wan chel-loc a', wach'xam caw ow yib'x sat a', palta matz 'ec' a 'a yib'n̈ jun cha. Wach'xam 'ixta in yet' in poder, palta caw matz ex xiw jac 'ayin.

Pr 8:29

yic xyaln can 'a a mar cha, chajtlto matz 'el a 'a smon̈jonal, yic xya'n can 'och sb'achnub'al yaln̈ lum lum tic, 'ayc' xon jun jelnal cha.

Salmos 33:7

A tz'a'n syam sb'a a a', yet' pax a mar to xab' yich.

Job 38:10

An 'ix wa'cn 'ejm smon̈jonal a mar chi 'aj tzc'ochi, xwa'n can 'och syaweal spuertail a'.

Gn 1:7

Yuj spaxti xyal cha 'ix b'o jun spojmb'il snan̈l a a cha, chamacn̈ x'ajcn 'el a', jun macn̈ a xcan 'a yaln̈ jun jen̈n 'ec' cha, junx macn̈ a xcan 'a yib'an̈. 'Ixta x'aji.

Job 28:25

A yic xya'n can 'och Dios yip 'ic', yet' pax yic xya'n can 'ejm yechl 'aj tzc'och smacn a a',

Job 38:9

An xwa'ch 'asn spichloc a', xwa'n 'och 'asn chi spotloc a'.

Salmos 104:6

A a mar, a a macjnac 'el sat lum lum tic, 'icha to spichl lum yaj a', macchjnac 'el lum niwc witz yuj a'.

Pr 30:4

¿Mach wal junc xit'q'ue 'a satcha'an̈, 'ix 'empaxta? ¿Mach junc tztac' syamn 'och wan 'ic' 'a yol sc'ab'? ¿Mach junc tztac' spichn 'och a mar 'a yol spotil? ¿Mach jun x'a'n can 'ejm smon̈jonal lum lum tic? Alc 'ayin toto eyojtac tas sb'i, tas pax sb'i yunnal.

Is 40:12

¿Tom 'ay junc ex tox xe yechtej a mar 'a yol e c'ab', mto tox xe yechtej satchan̈ yet' yune e c'ab'? ¿Tom 'ay junc ex tox xe yechtej smasnil spoccal lum lum tic 'a yol junc 'echtab', mto tox xe yechtej jantc yal-l smasnil eb' lum witz yet' eb' lum tzalctac?

Salmos 107:24

A eb' tic xyil eb' tas satjub'tac b'ob'il yuj Jehová.