Job 38:3 - Chuj San Sebastian Bible

³ A ticnec te'wtzej a b'a, yujto 'ay tas 'oj in c'anb'c 'ayach, ax a pacn 'ayin.

Chuj San Mateo Bible

³ Tec'b'ej a b'a a pacan juntzan̈ tas ol in c'anb'ej tic:

Job 38:3 Referans Kwoze

Job 40:7

Te'wtzej a b'a 'a wojltac, tzin nib'ej to 'oj a pac 'ayin yuj tas 'oj in c'anb'c tic.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Ex 12:11

A yic tzex wa cha, lista xo cab' eyaji. 'Ayx 'och cab' e pichl yic b'eyl eyu'uj, 'ayx 'och cab' e xan̈ab', yamb'ilx cab' e c'ococh. Caw wal ji'ltixn̈ej 'oj eyutc e chin no', yujto an Jehová in, an 'oj wec' 'a jun 'ac'wl cha.

A Ch'an̈ B'ab'el Libro Yic Yab'ixal Eb' Rey 18:46

Ax pax Elías cha, yajn̈ej 'ix sjaln snan̈l yet' spichul. 'Ix ya'n carela. 'Ix b'ab'l c'och 'a Jezreel yuj Acab, yujto a Jehová 'ix colwj yet'oc.

Job 13:22

'Awjan̈ 'ayin, 'oj in ta'w 'ayach; mto an tzin b'ab'l 'awj 'ayach, ta'wan̈ pax 'ayin.

Job 13:15

Wach'xam yuj cha tzin smiln cham Dios, palta 'oj wa'chn̈ej Dios yipc in c'ojol, 'oj in col in b'a 'a yojltac.

Job 42:4

'Ix aln pax 'ixtc 'ayin: Chaj ab'i' tas 'oj wala'; tza pacn 'ayin tas 'oj in c'anb'c 'ayach, xa chi.

Pr 31:17

Caw tzb'o sb'a 'ix, caw wal tzyac' 'ix yip smunlji.

Job 21:22

Palta ¿mach wal junc tztac' scuywj 'a Dios, atn jun tzb'eyc'ojlan smasnil eb' cajn 'a satcha'an̈?

Job 40:2

Ach Job, xcob' a nib'c a te'wtzoc a b'a 'ayn an tztac' wuj smasnil tic, ¿tom 'ayt wal tas tza nib'j al 'ayin? Ta'wan̈ 'ayin, xchi Dios.