Job 37:7 - Chuj San Sebastian Bible

⁷ A tz'a'n smol sb'a eb' 'anma 'a yol yatut, sec tzyojquej 'el eb' tas wan sb'on Dios.

Chuj San Mateo Bible

⁷ Yuj chi' a Dios tz'ac'anoch eb' anima d'a yol spat, yic vach' snachajel yuj eb' to a tz'ac'ancot juntzan̈ chi'.

Job 37:7 Referans Kwoze

Salmos 111:2

A tas b'ob'il yuj Jehová yel xo wal niwan. A eb' tzalj yet' jun tzo'n̈ tic, ya'ch cab' eb' 'a sc'ojl scuyni.

Salmos 109:27

Yojcoc cab' 'el eb' 'anma', to ach xa b'o jun tzo'n̈ tic.

Is 26:11

Mamin Jehová, caw wach'x yaj yailal o'oj, palta matz nachj 'el yuj eb' 'anma'. A yic 'oj yilnc eb' a niwquil chamc'ojlal 'a eb' a chon̈ab', caw 'oj q'uixwc can 'el eb' 'ajc'ojl yajch 'ayach, satl cab' eb' yuj yowl a c'ojl tzn̈ilchj 'icha te c'ac'.

Is 5:12

A 'aj tz'och niwc wa'el, ata 'aych son yet' arpa, salterio, tinab' yet' 'amay. Til wal 'an̈ 'ayc' yuj eb' chi ta', palta a tas wan snan Jehová 'a yib'n̈ eb', caw may jac yel'ch 'a eb'.

Ec 8:17

'Ix wojquej 'eli, to a smasnil tas tzb'o Dios yet' tas tz'ec' 'a tic, matz nachj 'el cujec. Wach'xam tzca'c 'ip cob' cojcanc 'eli, palta ma'oj nachjoc 'el xon cujec. Wach'xam tzcob' yal junc jeln snab'en to yojtac, palta wal yel, may junc mach tztac' yojcan 'eli.

Salmos 92:4

Mamin Jehová, ach 'ix ac' in tzaljc'ojlal yet' smasnil tas b'ob'il o'oj. A jun tzo'n̈ a b'ob'en tic, a eb' tzin 'a'n 'och 'a tzaljc'ojlal.

Salmos 64:9

'Ixta to b'i'an, ax smasnil eb' 'anma', 'oj xiw chan̈ eb', 'oj yal-l eb' tas b'ob'il yuj Dios. Ax yojcan 'el eb' tas tz'el sb'on cha.

Salmos 46:8

Cotn̈ec, wul 'iltec wal satjub'tacl x'aj slajw 'el eb' chon̈b' 'a sat lum tic.

Job 36:24

Smasnil 'anma', tzbitnej swach'l Dios yuj tas b'ob'il yu'uj; an̈jtona pax ach tic, al a wach' paxti 'a jun xo.

Job 12:14

A junc tas to a Dios tzsatn 'eli, may junc mach tztac' sb'on pax cha'an̈; ax junc mach tzmacx 'och wan yu'uj, may pax junc mach tztac' scoln 'eli.

Job 9:7

A tztac' yaln 'a c'u, to matz q'uel 'a junc c'u cha, a tztac' yaln pax 'a jun tzo'n̈ c'anal sec matz yac' eb' sacq'uinlal.

Job 5:12

A tz'a'n juwc 'el tas tznib'j eb' jelan sec matz 'el'ch tas nab'il yuj eb'.