Job 36:7 - Chuj San Sebastian Bible

⁷ A tztan̈wni eb' 'anma wach' sb'eyb'al, a tz'a'n 'och eb' yajlil sec tzb'inax eb' 'a smasnil tiempo.

Chuj San Mateo Bible

⁷ A stan̈van eb' anima vach' sb'eyb'al. A tz'ac'anoch eb' yajalil yic sb'inaj eb' d'a masanil tiempo.

Job 36:7 Referans Kwoze

Salmos 34:15

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a.

Salmos 33:18

Palta ax Jehová q'uelnn̈ej 'och 'a eb' yiclum yet' 'a eb' to 'ay schamc'ojlal 'a 'a. A 'aych yipc sc'ojl eb',

A Ch'an̈ B'ab'el Libro Samuel 2:8

Ach tzej chan̈ eb' meb'a', tze'n pax chan̈ eb' c'anm limosna, sec tz'och yopiso eb' yet' eb' niwc winac. Yujto Jehová ach, ach 'ay ec jun tzo'n̈ sb'achnub'al yich lum lum tic, ach 'ix a b'achcn q'ue jun yolyib'n̈q'uinl tic 'a yib'an̈.

2 Ts 3:3

Palta a Cajlilec, caw tz'el'chn̈ej tas tzyala. A tz'a'n e te'nal. Tzex scoln pax 'el 'a win syajlil maysch'olnil.

Job 42:12

'Ix ya'n pax Dios niwtjoc tas 'ay 'a Job, 'ec'b'al 'ix yutj ya'n pax 'icha xon tas 'ay 'a win 'a yic yalan̈. Yujto 'ix q'uexc'och sb'isl scalnelu win 'a chan̈lajn̈e mil, waque mil scameyo, jun mil mojn̈ smam swacax, jun mil no 'axna.

Ester 10:3

A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.

A Sb'ab'el Carta San Pedro 3:12

A Jehová a tztan̈wni eb' 'anma wach' sb'eyb'al, tzmaclni pax yab' tas tzyal eb', yic tzyaln sb'a eb' 'a 'a, palta 'ay cot yowl sc'ojl 'a yib'n̈ eb' tzb'on maysch'olnil, xchi 'a Ch'an̈.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Gn 41:40

Ach tzach wa'ch yajlilc 'a in despacho tic. Smasnil eb' in chon̈ab', 'oj syiclc eb' tas 'oj ala', cojxn̈ej in niwn wel'ch 'a eb'an̈, yujto rey in.

Gn 23:6

—Mamin, 'ab' wal tas 'oj cal 'ayach, ach tic niwn 'elch 'a qui cal on̈. Yuj cha, muc 'ix estzil chi 'a junc 'aj tzmucx eb' chamnc 'anma', junc caw wach' yilx tzela. May junc on̈ matz qui chaj a muc sniwnal 'ix estzil 'a 'aj tzmucx eb' chamnac, xchi eb' 'a winac.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

Job 4:7

Na cot nab'an, ¿tom 'ayx 'aj xjaw yailal 'a yib'n̈ junc mach to may smul?

Job 5:11

A tz'i'n chan̈ eb' 'anma 'emmquilal yeq'ui, a pax tz'a'n sniwnal sc'ojl eb' 'aych 'a syailal.

Job 22:29

A Dios 'oj 'i'nc can 'ejm eb' tzyij chan̈ sb'a, ax scolwj yet' eb' 'emmquilal yeq'ui.

Job 31:4

Toc matz yil Dios tas tz'el in b'oni, ¿tom matz yil 'aj tzin laj 'eq'ui?

Salmos 41:12

An xo pax tic, wach'n̈j xwutj in b'a 'a ojltac. Quetzn chan̈ Mamin, 'aynn̈ej cab' 'ec' et'oc.

Is 22:23

Caw wach' 'oj wutc wa'n can 'och 'a yopiso, ax sb'inax 'a scal eb' yican smam, 'icha wal stzatzl tz'ajcn 'och junc lawx 'a junc tas, 'ixta 'oj wutc can 'a yopiso cha.

Salmos 33:16

May junc rey tzcolchji, yujn̈ej to niwn sb'isl soldado. 'Ixta pax eb' caw 'ay yip, ma'oj techjoc scoln sb'a eb' yuj yip cha.

Salmos 34:16

Palta 'ay cot yowl sc'ojl 'a yib'n̈ eb' tzb'on maysch'olnil, yic tzsatn 'el snanb'il cot eb' 'a sat lum lum tic.