Job 33:13 - Chuj San Sebastian Bible

¹³ ¿Tas yuj tzalch 'a sat, chajtlto matz pac tas tzal 'a 'a?

Chuj San Mateo Bible

¹³ ¿Tas yuj tzaloch d'a sat to max spac tas tzal d'ay?

Job 33:13 Referans Kwoze

Job 40:2

Ach Job, xcob' a nib'c a te'wtzoc a b'a 'ayn an tztac' wuj smasnil tic, ¿tom 'ayt wal tas tza nib'j al 'ayin? Ta'wan̈ 'ayin, xchi Dios.

Is 45:9

A mach tzyac' owl yet' mach b'ojnac, a jun cha, lajn 'icha lum tz'acb'il lum c'un spoji. Toc wal tzyal lum tz'acb'il lum chi 'ixtc 'a mach tzb'oni: ¿Tas tza b'o'o? Ach tic man̈ ojcoc tzach munlji, tom xchi lu'um.

1 Co 10:22

¿Tom tzqui nib'j tzquijec cot yowl sc'ojl Cajlilec 'a quib'an̈? ¿Tom tze na'a, to yel xo 'ec'b'al qui poder 'a yib'an̈?

Ro 11:34

'Icha tzyal 'a Ch'an̈ U'un̈: ¿Toc 'ay junc mach 'oj stac' yojcan 'el snab'en Cajlilec? ¿Toc 'ay junc mach 'oj stac' ya'n snab'enoc?

A Tas Sc'ulejnac Eb' Schecab' Jesús Hechos 5:39

Palta toto yic Dios, ma'oj stac' ca'nec lajwoc. 'Ay smay, toq'ue a Dios tzca'c owl yet'oc, xchi winac.

A Tas Sc'ulejnac Eb' Schecab' Jesús Hechos 1:7

Yuj cha, xyaln 'a eb' 'ixtic: —Matz 'ajx eyojcoc 'el sc'ual, stiempoal. Yujto a jun tzo'n̈ cha, cojxn qui Mam Dios 'ay yaln yic 'a 'a.

Mt 20:15

Yujto an 'ay waln wic wa'n in tumn 'icha tzin nib'ej. Matz tac' a chichn 'och 'ayin, yujto wach' tzwutj in b'a 'a junc xo mach, xchi winac. 'Ixta tzyal jun 'ab'x tic.

Dn 4:35

Qui masnil an̈ cajn on̈c 'a sat lum lum tic, caw may jac quel'chec 'a sat. Tzb'o tas tznib'j sb'o 'a scal eb' 'ayc' 'a satcha'an̈, yet' 'a qui cal an̈ cajn on̈c 'a sat lum tic. May junc mach tztac' stenn 'och wa'an, yic tzyaln 'a 'ixtic: ¿Tas yuj 'ixta tza b'o'o? man̈ xchic 'a 'a.

Ez 22:14

Tom 'oj stac' ste'wtzan sb'a eb' 'a wojltac yic 'oj in b'eyc'ojlanc eb'. A tas tox xwala, yowlal 'oj 'el'choc.

Jeremías 50:24

An Jehová in, an in b'ojnac 'ejm jun yal Babilonia. Ma'ix yil tas x'aj scan 'a jun ch'an̈ yal cha, yujto pit 'ix yutj sb'a 'ayin.

Is 46:10

A 'a yictax pecti', waln cani tas 'oj ujc 'a slajb' c'ual. Waln cani to 'oj ujc tas nab'il wu'uj, 'oj in b'o smasnil tas tzin nib'ej.

Salmos 62:11

Til wal 'ejm 'ix wab' yaln Dios jun tzo'n̈ tic, chajtlto caw 'ay sjelnal, 'ay pax schamc'ojlal. A tz'a'n spac yic junjn 'anma', a tzyala tas tz'el sb'oni.

Job 9:14

An xo tic, ¿'aj 'oj wic' tas 'oj wal 'a 'a?

Dt 29:29

'Ay jun tzo'n̈ tas man̈ cojcoc: A jun tzo'n̈ cha, yic Jehová qui Diosalec yaji; 'ay pax jun tzo'n̈ tas tz'ajx cojcoc 'eli, tz'ajx pax yojcoc 'el eb' cunnalec, sec tzqui yicljec 'a smasnil tiempo; atn smasnil checnb'il yet' jun ley tic.

Ro 9:20

Palta caw matz tac' calnec 'ixta'. May junc mach tztac' sten sb'a yet' Dios. A junc lum chen, ¿tom tztac' yaln lum 'ixtc 'a jun tz'acm cha: ¿Tas yuj 'ixtc in otej? tom 'oj schic lu'um?

Job 11:7

Am wal tzotj a nani, to 'oj ojcoc 'el sjelnal Dios to c'ultac yaji, atn jun Dios tztac' yuj smasnil.

Job 9:12

Q'uinloc 'ay junc tas tzyij 'ec' 'a junc mach, ¿tom 'ay junc mach tztac' yaln 'a yuj tas tzb'o cha?

Job 10:2

Ax waln 'a Dios 'ixtic: Ach in Diosal, man̈ ala' to 'ay in mul. Toto 'ay in mul cha, al 'ayin 'aj 'ix 'och in mul.

Job 10:6

¿Tas pax yuj tza nib'j wal to tza say el in mul mto in paltail?