Job 32:21 - Chuj San Sebastian Bible

²¹ An tic man̈ chucchcoc yel 'anma 'a in sat; palta lajnn̈ej yel'ch eb' smasnil 'ayin.

Chuj San Mateo Bible

²¹ A d'ayin, man̈ ch'occh'ococlaj yilji anima, palta lajann̈ej eb' smasanil.

Job 32:21 Referans Kwoze

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Mt 22:16

Yuj cha, xchecn 'at ewin jaywn̈ eb' scuywum 'a Jesús, yet' jaywn̈ eb' 'aych 'a spartido rey Herodes, 'ix 'at yalnc eb' 'ixtc 'a 'a: —Ach qui Cuymal on̈, cojc wal si'mb'il on̈ to caw yeln̈j tas tzala. Cojc pax on̈, to a jun b'eyb'al tznib'j Dios, caw an̈j tzac' cuyxoc 'a yel. Jun lajnn̈ej tzotj pax a nab'en 'a smasnil 'anma', yujto lajnn̈ej ye'l'ch junjn eb' 'a a sat.

Job 34:19

A Dios matz ya'ch sb'a yet' eb' yajal, yet' pax eb' rico, tom ax yet' eb' meb'a' tzya'ch sb'a, palta lajnn̈ej yel'ch eb' 'a sat, yujto a xb'on eb'.

Job 13:8

¿Tom 'oj stac' eya'n e b'a yuj Dios, yic tzcob' eya'lnoc e colni?

Pr 24:23

An̈jtona pax jun tzo'n̈ xo tic, a eb' 'ay snab'en 'ix aln cani: Caw man̈ wach'oc toto chucchc yilx eb' 'anma 'a sat win yajal yic tzb'onyaj win eb'.

Job 13:10

Wach'xam c'ultac tzeya'ch e b'a yet' Dios, palta 'oj ex stumc wal si'mb'il.

A Ch'an̈ Schab'l Libro Samuel 14:20

'Ix sna chan̈ win a checb' Joab sb'on jun tic, sec toq'ue tza jel a nab'en 'a yib'n̈ tas alb'ilx o'oj. Palta ach xo mamin rey, caw wal jeln a nab'en 'icha junc yángel Dios, yuj cha, ojc smasnil tas tzb'o 'a sat lum lum tic, xchi 'ix.

A Ch'an̈ Schab'l Libro Samuel 14:17

An a checb' in tic mamin rey, 'oj in tan̈woc tas spac 'oj ac' 'ayin sec 'oj wic' sniwnal in c'ojol, yujto ach tic mamin rey, ojc wal tzotj a b'eyc'ojlwi 'a tas wach' yet' 'a tas tu', lajn ach wal 'icha junc yángel Dios. A cab' Jehová qui Diosalec, a tz'och et'oc, xchi 'ix 'a win rey David.

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Dt 1:17

A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.

Job 32:20

Yowlal 'oj wal tas tzin nib'j wala'; sec 'oj choyb'oc tas 'ay 'a in nab'en, ax wa'n spac a paxti'.

Job 32:22

Wal yel, an tic man̈ in b'eyb'aloc to 'ay junc mach tzwij cha'an̈; toto tzin b'o 'ixta', tecn tzya'ch Dios in yailal, atn jun mach b'ojnac in.

Job 33:3

A tas 'oj wal tic, atn stojlal in nab'en, 'oj wal 'aych yet' smasnil in c'ojol.

Salmos 82:2

Xyaln 'ixtc 'a eb': ¿B'a'n̈ to wal tzeyactj e coln eb' 'anma maysch'olnil tas tzb'o'o? 'In ata tzeya'ch e b'a yet' eb' maysch'olnil cha.

Pr 28:23

A yic 'oj b'ey tiempo, toto 'ay mach tzex tenn 'och wa'an, niwn cab' yel'ch jun chi 'a yib'n̈ junc tzex aln wach'il.

Malaquías 2:9

Yuj cha, ex wij can 'ejmi, man̈x 'a yel'ch ex wutj 'a sat smasnil 'anma', yujto matz eyiclj in checnb'il, a yic tze b'onyaj eb' 'anma', 'in man̈ lajnoc tzeyutj e b'onyaj eb', xchi Dios.