Job 30:23 - Chuj San Sebastian Bible

²³ Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Chuj San Mateo Bible

²³ Vojtacxo to vanxo in ic'anb'at d'a chamel, aton b'aj ol c'ochn̈ej masanil anima.

Job 30:23 Referans Kwoze

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.

Ec 9:5

A eb' 'anma mantzac chami, yojc eb' to 'oj cham eb'; palta ax eb' chamnc xo, toc 'ayt jac tas yojc eb'. Man̈x 'a sganar eb', satnc xo sc'ojl 'anma 'a eb'.

Ec 8:8

May junc on̈ec 'ay caln quic 'a qui q'uinal, yic tzqui'nec 'och wa'an. An̈jtona', may junc on̈ec tztac' qui'nec 'och wan sc'ul qui chami, lajn 'icha junc soldado matz tac' yajx 'elt 'a scal owal. A junc mach tu sb'eyb'al, ma'oj colxoc 'el 'a yol sc'ab' chamel yuj smaysch'olnilal cha.

Job 21:33

Caw wal siclab'nac jun lum chi 'aj tzcan eb' chi tzyab'i, til wal eb' tz'och tza'n yuj eb', 'ay pax eb' b'ab'ljnacx yuj eb'.

Job 14:5

Yujto ach tic, ach tzac' sq'uinl junjn 'anma', checl yaj jantc sb'isl sc'ul tzyila, matz tac' yec' jaye'ocx c'u yu'uj.

Job 9:22

Yujto lajn xoj yel'ch jun tzo'n̈ tic tzwila: A Dios tzalni yic tzcham eb' 'ay smul, a pax tzalni yic tzcham eb' may pax smul.

Job 3:19

Atnta 'ayc' eb' niwc winac yet' eb' may wal yel'chi. A pax ta 'ayc' eb' colchjnacx 'el 'a yol sc'ab' spatron̈, lajn xoj yaj eb' smasnil ta'.

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

Gn 3:19

'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Job 10:8

Ach b'ojnac in, ax ticnec tza nib'j pax tzin a satli.

Josué 23:14

An tic jab'xoj 'oj in chami, palta eyojc si'mb'il to 'ix 'el'ch smasnil tas wach' 'aj ya'jnac can Jehová sti ya'n 'ayn̈ec. C'uxn 'ix 'el'ch eb' smasnil.