Job 3:21 - Chuj San Sebastian Bible

²¹ 'Ay mach cob' tznib'j cham sb'a, palta matz cham paxi; wach'xam cob' tzsay tas tz'aj scham 'icha qui sayn 'ec' ricoal, palta matz 'ilchj yu'uj.

Chuj San Mateo Bible

²¹ eb' snib'ej cham sb'a, palta max chamlaj eb', vach'chom snib'ej chamel chi' eb' d'a yichan̈ b'eyumal?

Job 3:21 Referans Kwoze

Apoc 9:6

A wal 'a jun tiempoal cha, 'oj cob' sayc' eb' 'anma tas tz'aj schami, palta toxn man̈x 'oj chax yuj eb'. Wach'xam caw 'oj snib'c cham sb'a eb', palta man̈x 'oj stac' scham eb'.

Pr 2:4

'Ac' a tiempo a sayn 'ec' jelnal, 'icha tz'aj sayx 'ec' q'uen plata, mto junc ricoal to c'ub'b'il 'eli.

Jonás 4:8

Ax yic xq'uel c'u 'a junx c'u, xya'n cot Dios jun 'ic' caw ow sc'aq'uil, ata xcot 'a stojlal 'aj tzq'uel c'u. Yuj cha, caw ow xma'wj yoc c'u chi 'a sjolm Jonás cha, 'ix 'el yip yuj jun c'ac' cha, caw wal snib'j cham sb'a. —Yel xom wach' to tzin chami, yic pax to cob' pitzn in, xchi.

Jonás 4:3

A ticnec, tzin tew 'aych Mamin Jehová, to tzej 'ec' in q'uinal. Yel xo wach' to tzin chami, yic pax to an̈j 'ijnoc pitzn in, xchi Jonás.

A Ch'an̈ B'ab'el Libro Yic Yab'ixal Eb' Rey 19:4

Xlajw cha, 'ix 'at 'a lum cusltac lu'um, jun c'u 'ix b'ey'ti, ax x'aji, 'ix c'unb'cha'an̈. Yuj cha, 'ix 'em wocn 'a yich jun te te'; ata 'ix snib'j cham sb'a. 'Ix yaln 'ixtic: Colb'l xo wal wil tic Mamin Jehová, tztac' xo wal in chami, ¿tom an yel xo wach'n 'a yib'n̈ eb' in mam wicham? xchi.

Nm 11:15

Toto 'oj a'n̈j jun yailal tic 'ayin, yel xo wach' tzin a mil chamoc; palta toto 'ay wal a chamc'ojlal 'ayin, 'ij in 'el 'a scal jun tzo'n̈ yailal tic, xchi Moisés.

Job 3:22

At yic tzc'och junc 'anma chi mucxoc can 'a campusan, atta tzcan 'a tzaljc'ojlal.

Jeremías 8:3

An Jehová in, tztac' wuj smasnil, an tzwala, to a jantc eb' 'anma 'oj canc 'a spitznal 'a jun tzo'n̈ 'anma tic, caw 'oj snib'c cham sb'a eb', 'a yib'n̈ to tzcancn eb' 'a pitznal 'a 'aj 'oj sactzic can 'at eb' 'a jun tzo'n̈ xo lugar.

Job 6:8

Comnoc wal tz'el 'a sc'ojl Dios ya'n tas tzin c'an 'a 'a; comnoc tzyac' tas 'icha tzin nib'ej.

Job 6:9

Comnoc tz'el 'a sc'ojl in ya'n lajwoc sec tzin sat 'ejmi.

Job 7:15

Yel xo am wach' tzin a pitz' chamoc; wach' cab' to tzin chami.

Job 11:20

Palta ax eb' maysch'olnil snab'en, 'oj cob' sayc' eb' mach 'oj colwjoc 'a 'a, palta caw nab'a xoj. Man̈x 'oj 'ilchjoc 'aj wach' scoln sb'a eb', axn̈ej schamlil eb' 'aj 'oj ya'ch snab'en, xchi win Zofar.

Ec 4:2

Yuj cha, xwalni to yel xo wach' yic eb' chamnc xo 'a yib'n̈ eb' pitznto.