Job 28:1 - Chuj San Sebastian Bible

¹ A q'uen plata, 'ay sminasil q'uen 'aj tz'elta, ax q'uen oro, 'ay pax yet'l q'uen 'aj tzb'o'i.

Chuj San Mateo Bible

¹ A q'uen plata ay sminasil q'uen b'aj sq'ueta, axo q'uen oro ay yed'tal q'uen b'aj sb'oi.

Job 28:1 Referans Kwoze

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

Is 48:10

An ex in sacb'tzej, palta man̈ 'ichaoc tz'aj sacb'tzax q'uen plata 'a scal c'ac', ton̈j ex wac' prowal yet' yailal.

Pr 17:3

A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

Pr 27:21

A q'uen oro yet' q'uen plata, ata tz'ajx prowal q'uen 'a scal c'ac'; 'ixta pax junc mach tz'ajx prowal yet' jun tzo'n̈ wach' paxti tzalx 'a yib'an̈, sec tz'ilxi toto tztechj yu'uj.

Salmos 12:6

A tas alb'il oj Mamin Jehová, tztac' ca'n 'och yipc qui c'ojl on̈, yujto lajn 'icha q'uen plata si'mb'il yaj stz'a'i, man̈x 'a jac slumal tzcan 'a 'a, uc 'ejm tz'ajx tz'a 'a yol jorna.

A Ch'an̈ B'ab'el Libro Yic Yab'ixal Eb' Rey 10:21

An̈jtona svaso win rey, nab'a oro smasnil. 'Ixta pax schenal yet' xalual tas tzc'anx 'a jun n̈a tzcuch Calte yic Líbano, nab'a oro smasnil. May junc tas to plata, yujto a 'a stiempoal Salomón, a q'uen plata cha, may wal yel'ch q'ue'en.

Gn 24:22

Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en.

Gn 23:15

—'Ab' tas 'oj wal 'aych mamin. A jun lum cha, chan̈e wal ciente q'uen tumn plata 'aych stojloc lu'um. A jun tumn cha, toc 'ay yel'ch 'a qui cal tic on̈. A tas tzwala to tz'at a muc sniwnal 'ix estzil cha, xchi winac.

Job 27:23

A jun 'ic' cha, caw wal 'oj jommoc, ax xub'n sc'an̈ s'at 'a spatc eb'.

Job 28:2

A q'uen hierro, ata tz'elt q'uen 'a scal lum lu'um, ax q'uen q'ue'en, a yic tzn̈usx q'ue'en, ata tz'elt can q'uen cobre.