Job 27:8 - Chuj San Sebastian Bible

⁸ ¿Tas to junc 'aych yipc sc'ojl eb' maysch'olnil sb'eyb'al yic tzyi'n 'ec' Dios sq'uinl eb'?

Chuj San Mateo Bible

⁸ ¿Tasto val ayoch yipoc sc'ol eb' chuc, ayic tz'ic'jiel sq'uinal eb' yuj Dios?

Job 27:8 Referans Kwoze

Mt 16:26

Q'uinloc tzquique'ej smasnil tas 'ay 'a yolyib'n̈q'uinl tic, palta toto tzsatcn 'el qui pixn 'a jun 'ejmn̈ej, ¿tast wal qui ganar 'ixta'? ¿Tast wal 'oj cac' smannb'ilc colchjoc qui pixan?

Job 11:20

Palta ax eb' maysch'olnil snab'en, 'oj cob' sayc' eb' mach 'oj colwjoc 'a 'a, palta caw nab'a xoj. Man̈x 'oj 'ilchjoc 'aj wach' scoln sb'a eb', axn̈ej schamlil eb' 'aj 'oj ya'ch snab'en, xchi win Zofar.

Job 8:13

'Icha jun tzo'n̈ c'ultc cha, 'ixta tz'aj eb' 'anma maysch'olnil tas tzb'o'o, atn eb' tzyac' sat sc'ojl 'a Dios; ax tas cob' 'aych yipc sc'ojl eb', 'oj lajwoc 'ejmi.

Lc 9:25

Q'uinloc tzquique'ejec smasnil tas 'ay 'a yolyib'n̈q'uinl tic. Palta toto tzon̈ satc 'eli, tzon̈ 'atc can 'a yailal 'a jun 'ejmn̈ej, ¿tast wal qui ganarec 'ixta'?

Mt 23:13

Ax xo ex cuywjum 'a ley yic Moisés yet' ex fariseo, caw 'oltac ex, caw chab'sat ex. Tze macch wan eb' 'anma', sec matz 'och eb' 'a yol sc'ab' Dios 'aj satcha'an̈. An̈jtona', 'ixta ex ax tic, matz ex 'ochi, matz e chaj pax 'och eb' tznib'j 'och sb'a.

Job 31:3

A eb' maysch'olnil, yet' eb' may Dios 'a sat, tzjawn̈j yailal 'a yib'n̈ eb'.

Job 20:5

a eb' maysch'olnil, jab' wal tiempo tzyac' stzaljc'ojlal eb', jun wal rato tzalj eb'.

Job 15:34

A eb' 'anma maysch'olnil sb'eyb'al, may yin̈tl eb' 'oj q'uib'cn cha'an̈, ax sricoal eb' xniwtj chan̈ yuj schan tumn 'a c'ultaquil, 'oj tz'a smasnil yet' yatut eb'.

Job 13:16

Lemb'il pax ata 'oj wac' ganar in colnb'il, yujto a junc maysch'olnil snab'en, matz te'wtzej sb'a sc'och 'a yojltac Dios.

Jn 9:31

Cojquec, caw matz yab' Dios slesl eb' maysch'olnil sb'eyb'al. Cojn eb' tzyal sb'a 'a 'a, eb' tzyiclni tas tzyala, cojn eb' tzyab' yico'.

Dt 1:45

Ax yic ex laj japxi, xlaj eyamn 'och eyoc' 'a yojltac Jehová, palta man̈x 'ic yab' Jehová tas xeyal cha.

Job 12:10

yujto yol sc'ab'n̈ej 'ay sq'uinl smasnil tas pitzan. A tz'a'n sq'uinl smasnil 'anma'.

Job 27:7

Smasnil eb' tz'och 'ajc'ojlal 'ayin, lajn cab' tz'aj sjaw yailal 'a yib'n̈ eb' 'icha tz'aj sjaw yailal 'a yib'n̈ eb' maysch'olnil sb'eyb'al, yet' eb' man̈ tojloc snab'en.

A Ch'an̈ B'ab'el Libro Samuel 8:18

A 'a jun c'u cha, 'oj cob' eyal e b'a 'a Jehová yuj tas 'oj ex yutc win e reyl 'oj e si'l cha, palta man̈x 'oj ta'wc 'ayex, xchi.