Job 27:17 - Chuj San Sebastian Bible

¹⁷ palta am eb' tojl snab'en, a eb' 'oj 'a'nc 'och jun tzo'n̈ pichl cha; am eb' wach' snab'en, a eb' 'oj 'ica'anc q'uen plata cha.

Chuj San Mateo Bible

¹⁷ axom junoc vin̈ vinac te vach' spensar ol ac'anoch juntzan̈ pichul chi', ol yac'an sgana vin̈ yed' q'uen plata chi'.

Job 27:17 Referans Kwoze

Pr 13:22

Toto wach' qui nab'enec, 'ay tas wach' tzca'c can smacloc eb' quichicnec; ax sricoal eb' maysch'olnil, tzcancn 'a eb' wach' snab'en.

Ec 2:26

Toto tzalj Dios quet'ec, caw yel tzyac' qui jelnalec, qui nab'enec yet' qui tzaljc'ojlalec. Palta ax eb' maysch'olnil, a tz'a'n yac' eb' yip smunlji, yic tzmolb'tzan eb' sricoal, ax tz'aji, ax 'a eb' wach' chi 'aj tzcanxi. An̈jtona junx tic, caw wal nab'an̈ej, yujto lajn 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni.

Pr 28:8

A mach tzniwtj sricoal yuj yune stumn tzyac' majnil, tzmolb'tzej wal sricoal cha, palta ax 'a eb' tz'o'ch sc'ojl 'a eb' meb'a', axta tzcani.

Job 3:15

atn eb' niwc yajl xlaj sb'ut' yatut yet' q'uen oro mto plata.

Job 15:29

Man̈ niwnoc tiempo 'oj yac' sgana yet' sricoal, may tas 'oj niwtjoc chan̈ yuj 'a sat lum lum tic.

Job 20:10

A tas 'elc'b'il yuj eb', a yunnal eb' 'oj 'a'nc meltzjoc 'a eb' meb'a'.

Job 20:18

Smasnil tas yijnac 'ec' eb', yowlal 'oj ya'x can meltzjoc eb'; man̈x 'oj stac' ya'n tzaljoc eb' sc'ojl yet' sricoal cha.

Job 27:16

A eb' tu sb'eyb'al cha, wach'xam til wal q'uen plata tzmontoej eb' 'icha lum lu'um, mto til wal spichl eb' b'uln 'eq'ui,

Sofonías 1:11

A mach cajn 'a yol chon̈b' 'a 'aj 'ay tas tzlaj chon̈xi, 'el cab' yaw, yujto 'oj cham smasnil eb' chon̈wjum. An̈jtona eb' tz'a'n q'uen tumn majnil, 'oj cham pax eb'.

Ester 8:1

A 'a yic jun c'u cha, a smasnil tas 'ay 'a win Amán, win 'ajc'ojl yajch 'a eb' israel, 'ix yac' win rey chi yico'oc 'ix reina Ester. Ax pax win Mardoqueo, 'ix 'ajx pax jun niwquil 'opiso 'a win yuj win rey cha, yujto tox 'ix yal Ester chajtlto yican sb'a 'ix yet' winac.