Job 25:5 - Chuj San Sebastian Bible

⁵ A 'a sat Dios, toc 'ay stzictznil 'uj yet' pax swach'l yilx c'anal;

Chuj San Mateo Bible

⁵ A q'uen uj malaj yoc q'uen d'a yichan̈. Axo q'uen c'anal man̈ vach'oc q'uen d'a yol sat.

Job 25:5 Referans Kwoze

Job 15:15

A Dios matz ya'ch wal yipc sc'ojl eb' ángel, 'ixta pax satcha'an̈, man̈toc yel xo pax wach' yilx 'a sat.

2 Co 3:10

Wach'xam 'ay yel'ch jun ley cha, palta man̈x 'a yel'ch 'a sat junx tic, yujto yel xo wal niwn yel'ch jun tic.

Is 24:23

A 'a jun c'ul cha, 'oj 'och q'uic'q'uinl 'a c'u yet' 'a 'uj, ax Jehová tztac' yuj smasnil, 'oj 'och Reyl 'a lum tzaln Sión 'a Jerusalén, ax sch'oxn stzictznil 'a sat eb' yichm wincal schon̈ab'.

Job 31:26

'Ix wil stzictznil yoc c'u, 'ix wiln pax sja'l yilx yoc 'uj 'a yic caw c'ojan,

Salmos 18:26

Wach' tzotj a b'a 'a eb' wach' tzyutj sb'a 'ayach, palta tza ch'ox a jelnal 'a yib'n̈ eb' jeln yixtn 'anma'.

Job 4:18

'Intax to a Dios matz ya'ch wal yipc sc'ojl eb' schecb' 'ay 'a satcha'an̈; 'intax eb' ángel, 'ay pax spaltail eb' 'a sat.

Job 9:2

Wojc wal si'mb'il to 'ixta ton yaji. ¿Palta toc 'ay junc on̈ec tztac' caln wach'l qui b'a 'a sat Dios?

Job 14:1

An̈ 'anman̈ tzon̈ 'alj 'el 'a yolyib'n̈q'uinl tic, caw jab' wal qui q'uinal, scal pax yailal tz'aj yec' tiempo cuj on̈.