Job 24:5 - Chuj San Sebastian Bible

⁵ A eb' meb'a cha, lajnxoj eb' 'icha no calte'al b'uru 'a cusltac lu'um, teb'il tz'ilchj jac tas tzc'ux eb'. A 'a lum cusltac lum chi 'oj say eb' tas tzyac' sc'ux yunnal.

Chuj San Mateo Bible

⁵ A eb' meb'a' chi' lajan tz'ajcan eb' icha noc' caltacte'al b'uru d'a tz'inan luum. Ata' say va sb'a eb'. A d'a tz'inan lum chi' say svael yalyuninal eb'.

Job 24:5 Referans Kwoze

Salmos 104:23

Ax an̈ 'anman̈ tic on̈, an̈ xo tzon̈ 'elt can munljoc, tzon̈ munljn̈ej tz'ec' c'u, masnto 'a yic tz'em c'u.

A Tas Sc'ulejnac Eb' Schecab' Jesús Hechos 23:12

Ax 'a sq'uin̈b'ial, 'ay jaywn̈ eb' israel 'ix syam sb'a. 'Ix smol aln eb', to 'oj smil cham eb' Pablo. 'Ix yaln eb' 'ixtic: Ma'oj qui wa'ec, may tas 'oj cuq'uec, masnto tzcham Pablo cujec. Comnoc 'oj yac' Dios qui yailalec toto matz cac' 'el'choc 'icha tzcalec, xchi eb'.

Jn 18:28

Ax yic sacb'i, 'ix yi'n 'elt ewin Jesús 'a yol yatut win Caifás. Xyi'n 'at ewin 'a 'aj 'ay sdespacho win yajal. A sley eb' 'aj Judea cha, matz tac' yoch eb' 'a yol sdespacho win cha. Tzna eb', toq'ue tzjuw 'el eb' 'a sat Dios. Toq'ue man̈xtzac stac' swa eb' 'a jun yemc'ul yic q'uin̈ cha.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Miqueas 2:1

'Oltac wal eb' waync cob'i', palta xoj smitz'tz'ec' snab'en eb' snani tas maysch'olnilal 'oj sb'o eb', ax yic tzsacb' 'eli, tzyamn 'och eb' sb'on tas tzna cha, yujto 'ayc' 'a yol sc'ab' eb' sb'oni.

Os 8:9

Caw wal may xon jac snab'en eb'. Lajn xoj eb' 'icha junc no calte'al b'uru, mun xoj tzna eb' 'aj tz'ati. A eb' 'aj chon̈b' Efraín 'ix 'at eb' sc'an scolwal Asiria. Xlaj stoj eb' jun tzo'n̈ xo nacion̈ tzcolwj yet'oc.

Os 7:6

'Aychn̈ej tu nab'enal 'a snab'en eb'. Lajn wal yowl eb' 'icha junc jorna caw tzn̈ilchj sc'aq'uil. Smasnil 'ac'wal 'aychn̈ej sc'a'l jun jorna cha, ax 'a yic tzq'uin̈lb'i 'a junx c'u, tz'utz'x pax chacb'oc, tzq'uex n̈ilnjoc sc'aq'uil.

Jeremías 2:24

Lajn ex wal 'icha junc no calte'al 'axna, c'aync no yec' 'a lum cusltac lu'um, tzalj no yu'n 'ic' ta'. A wal yic 'aych no 'a stiempoal stajni, toc 'ay junc mach tztac' stenn 'och wan no'. Toc tzc'unb' no b'uru sayn 'ec' no 'axna chi 'a yic stiempoal stajn cha.

Pr 4:16

A eb' maysch'olnil cha, caw matz way eb' toto matz b'o eb' stu'al, matz cot swayn̈ eb', toto may mach tzyixtj eb'.

Job 24:14

A junc ma'm cham 'anma', caw tzseb' q'ue wa'an, tz'at smilnc junc meb'a 'anma', ax yic tzq'uic'b' can pax 'ejmi, tzya'n 'och sb'a 'elc'mal.

Job 12:6

A eb' 'elc'um, caw wal tzaljc'ojlal yaj eb' 'a yatut. A eb' tzlaj 'och smul 'a Dios, toc 'ay tz'i'n eb', a yip eb' an̈j 'ay yel'ch 'a sat eb'.

Job 5:5

A sat smasnil tas cob' 'awb'il yuj eb', a yic tz'el-li, ax eb' 'anma tzcham yuj wejel, a eb' tzc'uxni, c'uxn tzlaj say 'elt eb' 'a scal q'ui'ix. Ax eb' caw may jac tas 'ay 'a 'a, a eb' tzlaj 'i'noc can 'at smasnil sricoal eb' tu snab'en cha.

Gn 27:40

Cojn yet' a espada 'oj stac' a coln a b'a, schecb' pax ni o'tac 'oj ajcn 'ochi. Palta ax yic 'ayx ep, 'oj a col-l a b'a 'a yol sc'ab' na, xchi Isaac cha.

Gn 16:12

Yuj cha, caw jeln 'oj 'aj 'el'ch jun 'unn cha, 'icha junc no c'ultquil chej. 'Oj yac' win owl yet' eb' 'anma', ax ya'n pax eb' 'anma owl yet' winac. Palta 'oj niwtjoc eb' yin̈til, toxn̈ej to matz chaj sc'ojl eb' yu'tac win cha, xchi jun ángel cha.

Job 24:6

A 'a scal yoc strigo eb' chuc 'anma'il, ata tz'at sic' eb' jac schon strigo, ax 'a scal yawb'en uva eb' maysch'olnil snab'en, ata tz'at smitz'c eb' jac sat uva cha.