Job 24:18 - Chuj San Sebastian Bible

¹⁸ A eb' 'anma maysch'olnil snab'en, yajn̈ej ax yec' eb' 'icha a b'eymal a', ax slum eb', 'oj catb'tzax cani, man̈x 'a mach 'oj munljoc 'och 'aj 'ay yawb'en uva eb'.

Chuj San Mateo Bible

¹⁸ A eb' chuc chi', elan̈chameln̈ej ol ec' eb' icha sb'ey svomal a a', axo sluum eb' ol catab'ajcanoc. Man̈xa mach ol munlaj b'aj ay yavb'en uva eb'.

Job 24:18 Referans Kwoze

Malaquías 2:2

Ax tic, yowlal 'ay cab' wel'ch 'a e sat yet' eyopiso. Toto ma'oj eyicloc, to 'ixta', 'oj ex in catb'oc can 'eli. 'Oj wa'cn 'och e alj wach' paxti 'a catb' paxti'al. Wal yel, a jun eyopiso cha, tox xin catb'ej cani, yujto may yel'ch in checnb'il 'a e sat.

Is 23:10

Ex 'aj Tarsis, tox 'ix lajw can 'ejm jun puerto 'aj tzex xit'c chon̈wjoc, ax ticnec munljan̈c 'a sat e lu'um, 'icha wal tzyutj sb'a eb' 'aj Egipto.

Pr 3:33

Tzya' cot Jehová catb' 'a yib'n̈ eb' maysch'olnil, palta ax eb' wach' sb'eyb'al, a yaxilal tzya' cot 'a yib'n̈ eb'.

Salmos 69:22

A wal jun tzo'n̈ sq'uin̈ eb' tzlaj ya'chi, meltzj cab' 'och 'a eb' 'icha junc ch'an̈ ya'al, juw cab' 'el eb' yu'uj. 'Och cab' yailal spacc 'a eb'.

Salmos 58:7

Sat cab' 'ejm eb' 'icha tz'aj stup 'ejm a a tzb'eyi. Lajn cab' tz'aj eb' 'icha te c'ultc tzte'x yuj 'anma'.

Job 22:16

A eb' cha, seb' chamnc eb' mu'c 'icha tzyac' junc mach tz'ijx 'at yuj a 'elmal a'.

Job 9:26

Lajn wal sb'ey in q'uinl tic 'icha junc barco caw ji'lti sb'ey 'a yib'n̈ a mar, mto 'icha sb'ey junc no c'uc'um yic tzyamn no schib'ej.

Job 5:3

'Ay 'aj wiljnac eb' tu snab'en, 'ix laj cob' niwtjoc tas 'ay 'a eb', palta yajn̈ej satx can 'ejm jun tzo'n̈ chi 'a eb' muc'uc.

Job 22:11

Coynto scal q'uic'q'uinl xoj 'aj 'aych 'eq'ui, man̈xtzac stac' eln xon jab'oc; 'icha to a a 'elmal a wan ach yi'n 'ati.

Job 24:6

A 'a scal yoc strigo eb' chuc 'anma'il, ata tz'at sic' eb' jac schon strigo, ax 'a scal yawb'en uva eb' maysch'olnil snab'en, ata tz'at smitz'c eb' jac sat uva cha.

Job 24:11

'Aych eb' syuc q'uen niwc q'uen 'aj tz'elt aceite, tzlaj ste'nc 'el eb' yalil te uva, palta tzcham pax eb' yuj tacn̈ti'al.

Job 27:20

A jun tzo'n̈ tas 'aj tzxiw eb', a 'oj jawc 'a yib'n̈ eb' 'icha a 'elmal a', 'icha tz'aj yijx 'at junc tas yuj 'ic'n̈ab' 'a yic 'ac'wal.