Job 23:15 - Chuj San Sebastian Bible

¹⁵ Yuj cha, caw wal tzin xiw 'a 'a, cojn wal yic tzin nan coti, caw tzin 'ib'x chan̈ yuj xiwlal.

Chuj San Mateo Bible

¹⁵ Yuj val chi' tzin te xiv d'ay. An̈ej tzin naancoti tzin te xivq'uei.

Job 23:15 Referans Kwoze

Salmos 119:120

Mamin, a 'in niwnal tic, tz'ib'x yuj xiwlal 'a ojltac, yujto caw niwn yel'ch a ley 'a in sat.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

Salmos 77:3

A yic tzin nan cot Dios caw tzin 'oq'ui, tzin yamn 'och in b'eyc'ojlan in b'a, ax tz'aji tzjaw chab'c'ojlal 'ayin.

Job 31:23

An tic, caw tzin xiw yuj yailal tzyac' Dios; yujto matz tac' in te'wtzan in b'a 'a yojltac yopiso Dios.

Job 23:3

Comnoc wal tztac' wojcan 'eli 'aj tztac' in chan in b'a yet'oc; 'ayc wal tz'aj wojcan 'eli tas tzin 'aj in c'och 'a sdespacho.

Job 10:15

Toto 'ay in mul tz'och 'ayach, caw wal 'oltaquin; wach'xam wach' in, palta matz tac' woch 'a ojltac 'a junc'ojlal, yujto caw wal tzin q'uixw in nan cot in yailal.

Job 23:14

A tas snalb'ej sb'on 'a in patic, tzb'on̈ej; 'ayt pax jun tzo'n̈ xo tas nab'il yu'uj, quen man̈ lajnoc yet' jun tzo'n̈ tic.

Job 23:16

A Dios, tztac' yuj smasnil, yu'uj caw wal tz'el wip yuj xiwc'ojlal.