Job 22:16 - Chuj San Sebastian Bible

¹⁶ A eb' cha, seb' chamnc eb' mu'c 'icha tzyac' junc mach tz'ijx 'at yuj a 'elmal a'.

Chuj San Mateo Bible

¹⁶ Pet chamnac eb' chi', icha tz'aj yic'jib'at junoc mach yuj a' eluma'.

Job 22:16 Referans Kwoze

Job 15:32

'Oj seb' cham muc'uc, 'icha tzyac' junc te wolte tzu'x 'el 'a snun, man̈x 'a b'a'n̈ to 'oj yaxb'oc paxi.

A Schab'il Carta San Pedro 2:5

An̈jtona', ma'ix yac' Dios niwnc'ojlal 'a eb' 'anma 'a yic pecti'. Ya'jnac cot jun owl yaxn̈ab' 'a yib'n̈ eb' maysch'olnil cha. Cojxn wal Noé colchjnac 'el yet' ucwn̈ eb' yico'. A Noé cha, yaljnac can 'el 'a scal eb' 'anma cha, chajtlto yowlal tojl tzyutj eb' snab'en.

Gn 7:11

A wal stz'acw yab'lil Noé 'a waque ciente ab'il sq'uinal, yic yuclajn̈il c'u yoch schab'l 'uj, yic xn̈i'chj q'uet a niwc a 'ay 'a yaln̈ lum lum tic, xcot pax secnjoc a a 'ay 'a satcha'an̈.

Ec 7:17

Man̈ qui b'oc maysch'olnil, man̈ ca'c pax 'och qui b'a man̈ nab'enal, sec wach' ma'oj qui seb' chamec.

Salmos 102:24

Yuj cha, xwaln 'aych 'ixtic: Ach in Diosal, man̈ in e'l muc'uc, 'a yic to mantzac paclj in q'uinal, xin chi. A 'a q'uinl ach tic Mamin, may b'a'n̈ 'ay slajub'.

Salmos 55:23

Ach in Diosal, a eb' milm cham 'anma', yet' eb' 'a'm 'es, caw may sq'uinl eb', ma'oj nan̈lb'oc sq'uinl eb' yilni. Ach 'oj a'cn 'ejm eb' 'a yich sjul-l eb' chamnac, palta an xo tic, ach tzach wa'ch yipc in c'ojol.

Job 14:19

An̈jtona', 'icha tz'aj yul eb' q'uen q'uen 'a yol sb'e a', mto 'icha tz'aj yijx 'at sat lum lum yuj n̈ab', 'ixta wal tzotj a'n lajwc 'ejm tas 'aych cob' yipc qui c'ojl an̈ 'anman̈ tic on̈.

Job 4:19

Ocxom wal eb' 'anma', caw wal may ste'nal eb'. Lajn eb' 'icha junc xamit n̈a b'ob'il q'ue 'a yib'n̈ poc. Wach' yic tzq'uin̈lb'i, ax 'a yic yemc'ual juwnc xo paxi. Lajn pax eb' 'icha no 'ij tzte'x can 'ejm 'a sat lum, jun 'ejmn̈ej tzcham muc'uc, toc 'ay mach tzcus yu'uj.

Job 21:13

Til wal tas 'ay 'a eb' tu snab'en cha yic tzcham eb', caw tzaljc'ojlal tz'aj smucx can eb' 'a campusan.

Job 21:18

¿Tom comn xoj tzsactzic eb' 'icha tzyac' te 'ac tzma' chan̈ chacxuxm'ic'?

Job 24:18

A eb' 'anma maysch'olnil snab'en, yajn̈ej ax yec' eb' 'icha a b'eymal a', ax slum eb', 'oj catb'tzax cani, man̈x 'a mach 'oj munljoc 'och 'aj 'ay yawb'en uva eb'.

Salmos 90:5

'Icha wal yijx 'at junc tas yuj a 'elmal a', 'ixta e'n 'ec' jab' qui q'uinl an̈ 'anman̈ tic on̈, mto 'icha junc wayich, 'ixta tzon̈ 'aj quec' on̈.

Pr 10:27

A eb' 'ay yel'ch Jehová 'a sat, caw 'oj najtxb'oc sq'uinl eb', ax eb' maysch'olnil sb'eyb'al, 'oj tzu'xoc sq'uinl eb'.

Is 28:2

'Ay jun winc sic'b'il 'el yuj Jehová, a jun cha caw wal 'ay yip, caw jeln 'a owal. 'Oj jawc yet' yip 'icha tz'aj sjaw yaxn̈ab' yet' sacb'atil, 'icha pax tz'aj sjaw chacxuxm'ic' yic tzyutz'n telwc smasnil tas, 'icha pax yic tzya'n yowl a b'eymal a sb'eyi. Yuj wal yip cha, ax slan̈chj can 'ejm Samaria smasnil.

Job 36:14

Caw quelmtac winc eb', tzlaj cham eb', q'uixweltac tz'aj eb' slajw 'eli.