Job 21:34 - Chuj San Sebastian Bible

³⁴ ¿Tas wal 'oj eyutc eya'n sniwnal in c'ojol? A jun tzo'n̈ tas xeyal 'ayn tic, may jac yel'chi, man̈ yelc xon eb', xchi Job.

Chuj San Mateo Bible

³⁴ ¿Tas tz'aj eyac'an snivanil in c'ol yed' juntzan̈ e lolonel malaj yelc'och tic? Nab'a es juntzan̈ tzeyal tic d'ayin, xchi vin̈aj Job chi'.

Job 21:34 Referans Kwoze

Job 16:2

Til wal 'ejm xwab' yalx jun tzo'n̈ paxti 'icha jun tzo'n̈ wan eyaln 'ayn tic. A tzeyutj eyalni to tzcob' eyac' sniwnal in c'ojol, palta ton̈j tze wach' 'ij cot yailal 'a wib'an̈.

Job 32:3

'Ix cot pax yowl 'a eb' 'oxwn̈ swach'c'ojl Job cha, yujto ma'ix nachj 'el yuj eb' tas 'ix yutj eb' ya'n spac spaxti', palta an̈ja 'ix yaln̈j eb' to caw 'ay smul winac.

Job 42:7

A yic xlajw yaln Jehová jun tzo'n̈ tic 'a Job, 'ix yaln pax 'ixtc 'a win Elifaz: Caw wal tzin owx 'och 'ayach, yet' 'a eb' chawn̈ ajun et' tic, yujto man̈ wach'c tas xeyal 'a in patc 'icha 'ix yutj sb'a win in checb' Job tic.

Job 13:4

Ax tic, yuj eya'm 'esal tze c'ub'n 'el tas yel; lajn ex yet' junc 'a'm remel, to may jac tzb'o yu'uj.

Job 22:1

Xlajw cha, xta'w win Elifaz, 'ix yaln win 'ixtic:

Job 13:12

A jun tzo'n̈ cuynb'il yic eb' qui mam quicham 'in a tze c'anlb'ej, a jun tzo'n̈ cha may yopiso, lajn 'icha q'uen stan̈il c'ac'; lajn pax 'icha to lum tzca'ch smuroalc qui chon̈ab'.