Job 20:22 - Chuj San Sebastian Bible

²² A yic tzniwtj tas 'ay 'a eb', a paxta 'oj 'och st'uc eb'; yujto ata 'oj jawc scusc'ojlal eb' yuj eb' yit maysch'olnilal cha.

Chuj San Mateo Bible

²² Ayic tzijtum tas tz'aj d'a eb', tzijtum pax cusc'olal ol javoc d'a yib'an̈ eb'.

Job 20:22 Referans Kwoze

Apoc 18:7

Caw xyij chan̈ sb'a 'ix si'mb'il. An̈j ricoal 'aj xya'ch snab'en. Yuj cha, 'ixta tzeyutj eya'n 'och syailal yet' scusc'ojlal. Yujto 'ix sna 'ix yet' snab'en 'ixtic: An tic, caw 'ay wopiso reinail. Man̈ in lajnoc 'icha junc 'ix chamnc yichmil. May wal b'a'n̈ 'oj wab' syal jab'oc, xchi cob' 'ix.

Is 10:6

A win tzin checb't mu'c 'a junc nacion̈ may wel'ch 'a sat, atn 'a eb' chon̈b' tzuntzj cot wowal, tzya'n owl yet' junc nacion̈ cha, tzyi'n can 'ec' tas 'ay 'a eb' 'anma', tzte'n can 'ejm junc nacion̈ chi 'icha ste'x can 'ejm lum b'i'ch 'a yol caye.

Salmos 39:5

Caw wal c'ochn 'ix otj can in q'uinal, 'icha to may jac yel'ch 'a a sat. Yel ton b'i'an, qui masnil an̈ 'anman̈ tic on̈, caw may yel'ch jab' qui q'uinl tic on̈.

Job 18:7

A yoc caw 'ay yip ticnec, 'oj 'el yip, ax jun tzo'n̈ nab'en cob' tzyala, a 'oj sutmjoc 'och 'a 'a.

Job 16:11

A Dios, a in 'a'n 'och 'a yol sc'ab' eb' 'anma tu snab'en, caw wal 'a'm 'es eb'.

Job 15:29

Man̈ niwnoc tiempo 'oj yac' sgana yet' sricoal, may tas 'oj niwtjoc chan̈ yuj 'a sat lum lum tic.

Job 3:17

A 'aj tzmucx eb' maysch'olnil snab'en, ata tzlajw can c'och yixtn eb' 'anma'; a pax ta tz'ilj eb' 'ixtb'il yuj eb'.

Job 1:17

Mantzac wal lajw yaln win cha, 'ix jaw junx winac, xyaln 'ixtic: —'Ay 'oxc'aj ewin caldeo 'ix c'och yac' owl quet' on̈, smiln cham ewin eb' yilmal e no cameyo, 'ix yelc'n 'at ewin e no'. Cojxn̈ej in 'elcni yic tzwul walnc ab' jun tic, xchi winac.

Job 1:15

axn wal cha, xc'och ewin sabeo, smiln can ewin eb' munljum, 'ix yelc'n 'at ewin e no smasnil. Cojxn̈ej in 'elcni yic tzwul walnc ab' jun tic, xchi winac.

A Ch'an̈ Schab'il Libro Yic Yab'ixal Eb' Rey 24:2

Palta 'ix chec cot Jehová eb' soldado 'aj Babilonia atn eb' caldeo, eb' sirio, eb' moabita, yet' eb' amonita yic tzwul yelc'noc eb' tas 'ay 'a chon̈b' Judá, sec wach' tzjuw 'el yuj eb', 'icha yaj yaln can eb' schecb' Dios.

Job 5:5

A sat smasnil tas cob' 'awb'il yuj eb', a yic tz'el-li, ax eb' 'anma tzcham yuj wejel, a eb' tzc'uxni, c'uxn tzlaj say 'elt eb' 'a scal q'ui'ix. Ax eb' caw may jac tas 'ay 'a 'a, a eb' tzlaj 'i'noc can 'at smasnil sricoal eb' tu snab'en cha.

Job 20:23

A yic wan ya'n cob' eb' sgana sc'uxn tas 'ay 'a 'a, yic wan laj swa eb', ax sjacn cot Dios yowl sc'ojl 'a yib'n̈ eb'.