Job 2:7 - Chuj San Sebastian Bible

⁷ Cojn cha, x'elt win mu'c 'a yojltac Jehová, 'ix ya'n 'och syailal win Job. 'Ix 'elt jun tzo'n̈ yab'il 'a sniwnal winac, 'a yoc masnto 'a sjolom.

Chuj San Mateo Bible

⁷ Ix el vin̈ Satanás chi' d'a yichan̈ Jehová. Ix b'at yac'anq'ue juntzan̈ yab'il vin̈ te nivan d'a snivanil vin̈aj Job chi', schacot d'a yoc vin̈ masanto d'a sjolom vin̈.

Job 2:7 Referans Kwoze

Dt 28:35

'Oj yac' wal Jehová eyab' syal yuj yaxc'a yab'il 'oj q'ue 'a sjolm e penec, 'a e xub', yet' 'a smasnil e niwnal, may xon junc mach 'oj stac' ex yan̈tni.

Is 1:6

'Icha to man̈x 'a xon jac sjacnil 'a sniwnal yuj syailal, tzchaj 'el 'a yoc masnto tzq'ue'ch 'a sjolom. 'Ay 'elnc sat, 'ay ton̈j malnac, 'ay pax wan sc'a'i. May pax yan̈l tzya'chi, may mach tz'a'n 'och jac spichl sat, may pax jac aceite tzya'ch 'a 'a yic tzpacb'i, 'ixta on̈ 'ajec.

Job 30:30

A 'in niwnal tic, caw wal tzchiwj smasnil yuj c'ac', 'ix q'uic'b' pax 'el in tz'umal.

Dt 28:27

A Jehová 'oj yac' wal eyab' syal si'mb'il, 'icha 'ix yutj eb' 'aj Egipto. 'Oj q'ue quiscab' 'ayex, yaxc'a yab'il, ax spitzw chan̈ sno'l e niwnal, yet' q'uilj yab'il. Man̈x 'oj stac' eyan̈tn e b'a 'a jun tzo'n̈ yab'il cha.

Apoc 16:11

Palta an̈j 'ijnoc ma'ix sna sb'a eb' jab'oc. Ton̈j xwach' b'uchwj eb' 'a Dios 'a satchan̈ yuj jun tzo'n̈ yailal xlaj yab'i', yet' jun tzo'n̈ yab'il 'ay q'ue 'a sniwnal eb' cha.

Is 3:17

Yuj ton wal cha, ax wa'n pucl xil sjolm eb' yuj yab'il, ax wa'n checljoc tas q'uixweltac yilx 'a eb', xchi Dios.

Job 7:5

Ax in niwnal, caw wal 'ayx 'och yayil, tzlaj 'el spojwal sat in yab'il cha, caw wal 'ayx in jab' yet'oc.

A Ch'an̈ B'ab'el Libro Yic Yab'ixal Eb' Rey 22:22

'Ix ta'w jun espíritu chi 'ixtc 'a 'a: 'Oj 'at woch 'a sti smasnil eb' schecb' win Acab cha, ax wa'n yac' eb' 'es 'a winac, xchi. Yuj cha, xyaln Jehová 'ixtc 'a 'a: 'Ixic, 'oj stac' oj 'icha tzal cha, xchi 'a 'a.

A Ch'an̈ Schab'l Libro Samuel 14:25

A 'a scal eb' israel, may wal junc mach lajn yilx 'icha Absalón, caw wal wach' yilx sniwnal smasnil. Caw b'inab'il 'a scal eb' 'anma cha, yujto may tas palta 'a sniwnal.

Job 2:6

'Ix yaln Jehová 'ixtc 'a winac: —'Ixta cab' tz'aj 'an. 'Ilto tas tzotj a b'a yet' sniwnal winac, cojn b'i'an may aln ec a milni, xchi Dios 'a winac.

Job 13:28

A 'in niwnal tic, wan sjuw 'icha junc pichl 'ayx 'och yijal; mto 'icha junc tas wan xo sc'a'i.

Job 1:11

Palta q'uinloc tzej 'ec' tas 'ay 'a yol sc'ab' winac, 'oj ela', checlton ma'oj a b'uchx yuj winac, xchi win 'ajc'ojl cha.