Job 19:7 - Chuj San Sebastian Bible

⁷ Tzcob' 'el waw, tzwaln 'ixtic: Wan wixtxi, xcob' in chioc, palta may xon mach tzta'w 'ayin, tzcob' wal in b'a, palta may mach tzin b'onyaji.

Chuj San Mateo Bible

⁷ Scomon el vav, svalan icha tic: Svab' val in chami, xin chi. Palta malaj mach stac'vi d'ayin. Tzin nib'ej ay mach tzin colani, palta malaj mach sb'oan yaj d'ayin.

Job 19:7 Referans Kwoze

Lm 3:8

Wach'xam tzat cob' 'el waw in c'ann scolwal, man̈xtzac schaj xon in lesal.

Job 40:8

¿An̈ja am tza te'wtzej a b'a alni to man̈ tojloc tzwutj ach in b'onyaji, yujto may a mul 'a tzotj alni?

Job 34:5

Yujto a Job 'ix yal 'ixtic: An tic toc 'ay in mul, palta a Dios matz in sb'oyaji.

Job 30:20

Tzcob' in c'an a colwal ach in Diosal, palta toc tzach ta'w 'ayin. Tzcob' wal in b'a 'ayach, toc tza chaj ab' tas tzwala.

Job 21:27

Wojtac tas wan e nan 'a in patic, 'ay jun tzo'n̈ tu nab'enal wan e nani.

Jeremías 20:8

A yic tzin paxtin 'a eb' 'a junjn 'ejem, tzwaln 'ixtc 'a eb': 'Oj jawc yailal 'a eyib'an̈, 'oj e lajw 'eli, xin chi 'a eb'. Yuj wal cha, 'ayn̈j 'och eb' yaln tu paxti 'ayin, tzin sb'uchn pax eb', yujn̈ej to tzwal-l a paxti'.

Salmos 22:2

Sc'ual yac'wlil wawj 'ayach, palta matz in a ta'wej, may 'iljelal wawji.

Job 16:21

'Ayc wal mach tzaln 'a Dios wu'uj, 'icha tzyutj junc mach scoln junc xo yit 'anma'il.

Job 10:3

'In ach b'ojnac in, tzlajw cha tzin a patquiln can 'eli, ¿tom wach' tzab'i yic tzin a chacn 'eli, ax yet' eb' maysch'olnil tzach colwji?

Job 9:32

An tic, ma'oj stac' in pacn in b'a 'a Dios, yujto man̈ 'anma'oc. Ma'oj stac' wi'n 'at 'a sat junc eb' juez yic tzin b'onyaj in b'a yet'oc.

Job 9:24

A yic tzcan yolyib'n̈q'uinl tic 'a yol sc'ab' eb' 'anma maysch'olnil snab'en, tzmacn sat eb' 'aych juezal. Toto man̈oc Dios 'ixta tz'utni, ¿mach pax b'in jun?

Job 30:24

Palta an tic, in cob' colwjoc 'a eb' meb'a', in colwj 'a eb' wan scham yuj meb'a'il.

Job 30:28

'Ix jaw wal cusc'ojlal 'a wib'an̈, 'icha wal to man̈xtzac wil sacq'uinlal yoc c'u; wal 'a sat smasnil eb' 'anma', xcob' in q'ue wan in c'an colwal.

Salmos 22:3

Ach tic Mamin caw wal wach'chn̈ej, tzach b'inax 'a scal swach' paxti eb' wit israelal yic tzach sb'itnan eb'.