Job 18:21 - Chuj San Sebastian Bible

²¹ 'Ixta wal 'oj 'aj slajw 'ec' sq'uinl junc mach to maysch'olnil tzyutj sb'a, atn junc mach may yel'ch Dios 'a sat, xchi Bildad.

Chuj San Mateo Bible

²¹ Icha val chi' ol aj satel eb' chuc, aton eb' malaj yelc'och Dios d'ay, xchi vin̈aj Bildad chi'.

Job 18:21 Referans Kwoze

Jeremías 9:3

Caw jeln eb' ya'n 'es, cojxn yuj 'es tzlaj q'ue'ch eb' ricoal. Man̈x 'a tas yel tzalx 'a jun nacion̈ tic. Yuj cha, tzyaln Jehová 'ixtic: Cojxn maysch'olnil tzb'o eb', caw man̈xtzac snib'j eb' tzin yalch sDiosaloc.

Tito 1:16

Tzcob' yalnc eb', to caw yojc eb' Dios, palta yuj sb'eyb'al eb' tzcheclj 'eli, to man̈ yojcoc eb'. Caw maysch'olnil eb' 'a sat Dios, yujto matz yiclj eb' jac tas tzyala. Yuj cha, toxn matz tac' sb'on eb' junc tas wach'.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

1 Ts 4:5

Matz tac' tzqui nib'jec 'och maysch'olnil yet' qui niwnal, 'icha eb' man̈ 'ojtnacoc Dios.

Jeremías 10:25

Sec 'emt yowl a c'ojl 'a yib'n̈ jun tzo'n̈ chuc chon̈b'al cha, atn 'a yib'n̈ jun tzo'n̈ chon̈b' to matz ach 'ojcan 'eli. Atn jun tzo'n̈ chon̈b' to matz yal sb'a 'ayach, yujto caw 'ix satx 'el jun qui chon̈b' an̈ yin̈tl on̈ Jacob tic yuj eb' on̈. Jun 'ejmn̈ej on̈ satx 'el yuj eb', caw 'ix lan̈chj 'ejm qui nacion̈ 'a jun 'ejmn̈ej on̈, xin chi.

Jueces 2:10

'Ix cham pax smasnil eb' yit israelal jun x'ec' yet' 'a yic jun tiempoal cha. Ax eb' tza'n to 'a eb', caw man̈x yojcoc eb' Jehová, man̈x yojcoc pax eb' tas sb'ojnac yuj eb' schon̈b' cha.

Ro 1:28

Matz nib'j eb' 'ay yel'ch Dios 'a 'a. Yuj cha, tzyactn can Dios eb', yic tzwach' juw 'el snab'en eb', sec tzwach' b'oj eb' jun tzo'n̈ caw man̈ smojoc.

Salmos 79:6

A jun a c'a'lc'ojlal cha, 'at cab' can 'a yib'n̈ eb' chuc chon̈b'al, yet' 'a yib'n̈ eb' yajl may 'aj tzyac' 'ejm sb'a 'ayach.

Job 21:28

¿Tas yuj tze na 'ixtic? ¿'Ajtil laj 'oj can yatut win maysch'olnil tic, win yajl tzyutj sb'a tic? 'in xe chi.

Job 21:14

Tzyaln eb' 'ixtc 'a Dios tztac' yuj smasnil: Man̈ on̈ a tzuntzc on̈, yujto an̈ tic, matz qui nib'j qui b'eylb'oc tas tzyal a ley.

1 Cr 28:9

Ach xo tic ach wunnal Salomón, 'ojquej 'el wal qui Diosal, 'ac' servil 'a smasnil a pixan, mun cab' wal tz'el 'a a c'ojol, yujto a Jehová yojc smasnil tas 'ay 'a qui pixan, tznachj 'el pax yu'uj tas 'ay 'a qui nab'en. Toto 'oj al a b'a 'a 'a, 'oj ta'wc 'ayach, palta toto 'oj e'cn 'el a b'a 'a 'a, 'oj ach spatquilc can 'el 'a jun 'ejmn̈ej.

A Ch'an̈ B'ab'el Libro Samuel 2:12

A eb' yunnal Elí caw maysch'olnil sb'eyb'al eb', may xon yel'ch Jehová 'a sat eb'.

Ex 5:2

'Ix ta'w win rey chi 'a eb' 'ixtic: —¿Mach jun Jehová tzeyal cha? Alc jac wab'i', sec 'oj in yiclc tas 'oj yala', ax ex in chan 'ati. An tic man̈ wojcoc xon jun Jehová tzeyal cha. Yuj cha, toc 'ayx wan ex in chan 'ati, xchi winac.

Job 4:21

'Icha yic slan̈chj junc mantiado yic tzn̈i'chj sch'an̈il, 'ixta yaj sq'uinl eb', yajn̈ej tz'eq'ui, mantzac nachj 'el sjelnal Dios yuj eb', xchi jun pixn chi 'ayin.

Job 19:1

Yuj cha, xta'w pax Job, xyaln 'ixtic:

Job 20:29

Atn wal jun tzo'n̈ tic nab'ilx yuj Dios 'a yib'n̈ eb' maysch'olnil; to yic xo eb' yaj jun tzo'n̈ tic yu'uj, xchi win Zofar.