Job 17:9 - Chuj San Sebastian Bible

⁹ A eb' wach' snab'en, wach' 'oj 'aj 'el'ch eb', a tas tojl tzb'o eb', 'oj niwtjoc chan̈ eb' yet'oc.

Chuj San Mateo Bible

⁹ A eb' vach' sb'eyb'al, vach'n̈ej ol elc'och eb'. A eb' malaj chucal sc'ulej, ol q'uen̈ejchaan̈ eb'.

Job 17:9 Referans Kwoze

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Job 22:30

A tzcolwj 'a eb' may smul, 'oj a colx yu'uj, toto may a mul 'a sat, xchi Elifaz.

Pr 14:16

Toto 'ay qui nab'enec, tzon̈ xiwc 'a tas 'ay smay, tzqui'nec 'el qui b'a 'a scal maysch'olnil, ax toto tu qui nab'enec, caw tzqui b'an̈c qui b'a, may yel'ch junc tas 'a qui satec.

Salmos 84:7

'Oj 'och yip eb' si'mb'il, ax 'a lum tzaln Sión, ata 'oj ach yil eb' ach in Diosal.

Gn 20:5

Yujto a pax Abraham 'ix aln 'ayin, to wanb' 'ix, xchi; 'ixta pax 'ix yutj 'ix yalni, in nul'j winac, xchi 'ix. Yuj cha, yet' smasnil in c'ojol, 'ixta 'ix in b'o'o, may tas tu wan in b'oni, xchi win rey cha.

Salmos 73:13

An xo tic, toc 'ay jac xwac' ganar yic cob' wach' xwutj in b'eyb'al, yet' yic xin yamn 'och wan in b'a 'a smasnil maysch'olnil.

Salmos 26:6

Mamin Jehová tzin b'icl in c'ab', yic tzin ch'oxn 'eli to may in mul, 'ixta to b'i'an ax in c'och 'a stz'ey yet'l a xajmb'al.

1 Jn 2:19

A eb' cha, x'el eb' 'a qui calec, palta man̈toc caw quitb'eymoc qui b'a yet' eb'. Octom caw quitb'eymec qui b'a yet' eb', to 'ixta', xcan eb' quet'ec. Palta 'ixta x'aj eb' yeli, sec tzcheclj 'eli, to man̈ quitb'eymoquec eb'.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

Mr 7:2

'Ix yiln ewinac to a eb' scuywum Jesús, man̈ 'icha'oc wal yaj sley ewinac, man̈ 'ichcta tzyutj eb' sb'icn sc'ab' yic tzwa eb'. Palta tzcan eb' yet' sc'ab' chi 'a sat ewinac. Yuj cha, xyaln ewinac to maysch'olnil eb'.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Salmos 24:4

Atn eb' may tas tu tzb'o'o, eb' wach' pax tas tzna'a; eb' matz yac' 'emmquilal 'a jun tzo'n̈ comn dios; eb' matz yac' sti 'a junc tas man̈ yeloc.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.

Job 31:7

Q'uinloc xwij 'el in b'a 'a jun b'eyb'al yic tojlal, mto xwa't in b'a 'a scal tas nib'b'entac yochi, mto 'ay tas man̈ wico'oc x'ilchj 'ayin,

A Ch'an̈ Schab'l Libro Samuel 3:1

A eb' soldado 'aych yet' win yunnal Saúl, caw najtl tiempo 'ix yac' eb' owl yet' eb' 'aych yet' David, palta 'ipn swach' 'el yip eb', ax eb' 'aych yet' David cha, caw 'ipn swach' 'i'n eb' yip.

Job 27:5

Ya' sb'a pitzn in to, may b'a'n̈ 'oj wala' to yel tas tzeyala; ma'oj in chach 'a wib'an̈ to yuj in mul 'ixta tzin 'aji.

Job 27:6

An tic, ma'oj wactc walni to tojl in nab'en, yujto wojc si'mb'il to may in mul.

Job 33:9

An tic wach' in, may xon in mul, may in paltail, toc 'ay tu tzin b'o'o.

Salmos 11:3

Toto a eb' yajl tzjuw 'el snab'en, ¿tasto wal 'oj yutc sb'a mach wach' sb'eyb'al? xe chi 'ayin.

Salmos 84:8

Mamin Jehová smasnil tas tztac' o'oj, qui Diosal ach an̈ yin̈tl on̈ Jacob tic, chaj wal ab' qui lesl on̈.

Pr 10:25

A yic tzjaw yailal 'icha junc chacxuxm 'ic', tzsatcn 'el eb' maysch'olnil sb'eyb'al yu'uj, ax eb' wach' sb'eyb'al, te'nn̈ej yaj eb' 'a jun 'ejmn̈ej.

Pr 10:30

A eb' tojl sb'eyb'al, najtl 'oj 'ec' eb', ax eb' tu sb'eyb'al, jab' wal tiempo 'oj 'ec' eb' 'a sat lum lum tic.