Job 17:14 - Chuj San Sebastian Bible

¹⁴ A yet'l chaml 'aj 'oj in c'och cha, yet' pax no a'ay, a chi 'oj walch in mamoc, in nunoc, wanb'oc.

Chuj San Mateo Bible

¹⁴ A noc' a'ay yed' campusante svaloch in mam in nunoc yed' vanab'oc.

Job 17:14 Referans Kwoze

Salmos 16:10

Yujto ma'oj actc can in pixn 'a scal eb' chamnac, ma'oj a cha c'a in niwnal an sic'b'iln 'el oj tic.

1 Co 15:42

An̈jtona', 'ixta 'oj 'aj eb' chamnac yic 'oj pitzwc pax eb'. A qui niwnalec tic, yic tzmucxi, yic chaml yaji. Palta a yic 'oj pitzwc paxi, a qui niwnalec cha, man̈x b'a'n̈ 'oj chamoc.

Is 14:11

A 'a pecti cha, caw wal tzach cob' b'inaxoc, to 'ajson ach, tzach cob' sonn yet' arpa, ax ticnec, 'aych xo 'ec' quet' 'a tic, ax no a'ay a no 'oj a c'an̈oc, ax yoch no a c'u'oc, 'oj schic eb' chamnc cha.

Job 30:30

A 'in niwnal tic, caw wal tzchiwj smasnil yuj c'ac', 'ix q'uic'b' pax 'el in tz'umal.

Job 24:20

Tz'atcn eb' 'a satc'ojlal yuj snun; ax no ay tzchin schib'jal eb', toc 'ayt mach 'oj nanc cot eb'. A eb' maysch'olnil snab'en cha, lajn wal tz'aj yem eb' 'icha junc te te tzch'acx 'ejmi.

Job 21:26

Palta ax 'a yol lum 'aj tzmucx eb' tzcham cha, lajn xoj tz'aj eb' 'anma ta', a no ay tzwa 'a schib'jal eb'.

Job 13:28

A 'in niwnal tic, wan sjuw 'icha junc pichl 'ayx 'och yijal; mto 'icha junc tas wan xo sc'a'i.

Job 19:26

Wach'xam tzlajw 'el in tz'umal tic, palta 'oj wilch Dios yet' in niwnal tic.

Job 7:5

Ax in niwnal, caw wal 'ayx 'och yayil, tzlaj 'el spojwal sat in yab'il cha, caw wal 'ayx in jab' yet'oc.

Job 25:6

ocxom wal an̈ 'anman̈ec tic 'a sat Dios, lajn on̈c am 'icha junc no a'ay, xchi Bildad.