Job 17:13 - Chuj San Sebastian Bible

¹³ An tic, cojxnto tzin tan̈wj in chami, ax in c'och teln in way 'a scal q'uic'q'uinal.

Chuj San Mateo Bible

¹³ Toxon̈ej tzin tan̈vej in chami, yic sc'och telan in nivanil svay d'a cal q'uic'alq'uinal.

Job 17:13 Referans Kwoze

Is 57:2

Junc'ojlal xoj tz'aj eb' 'aj tzc'ochi. A eb' tojl tzyutj sb'eyb'al 'a sat Dios 'a yolyib'n̈q'uinl tic, ax 'aj tzc'och eb' cha, to tz'ilj eb'.

Salmos 139:8

Q'uinloc cob' tzin 'at 'a satcha'an̈, a pax ta 'aych 'eq'ui; toto tzin 'em pax 'a xab'l yich lum lum tic, 'aych pax 'ec' ta'.

Salmos 27:14

Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.

Job 30:23

Wojc xo to wan in e'n 'at 'a chamel, atn jun lugar 'aj 'oj c'och smasnil 'anma pitznto ticnec.

Job 17:1

Caw wal teb'il xoj tzwij wic' tzwab'i, wan xo slajw c'och in q'uinal, lista xo yaj yet'l chaml in stan̈wni.

Job 14:14

A junc 'anma tzchami ¿tom 'oj pitzwc paxi? Palta an xo tic, 'oj wac' techjoc in yailal, masnto 'oj c'och sc'ul wel 'a libre.

Job 3:13

Comnoc chamnc in, to 'ixta', caw wal tzaljc'ojlal tzin wayi, caw wal tzin 'ilj 'a junc'ojlal.

Job 7:9

'Icha tz'aj satchan̈ 'asun yic tzc'achwi, 'ixta tz'aj sat 'ejm junc 'anma', yic tz'at mucxoc can 'a campusan;

Job 17:12

Ax tic, a 'ac'wal a chi tzeyalch c'ual, ax yic q'uic'q'uinl cha, tzeyalni to jab'xoj sacb'i.

Ec 12:5

'Oj e xiw e q'ue 'a junc cha'an̈, 'ay xo smay eyec' 'a yoltc b'e. Ax syamn 'och sacb' xil e jolom, c'ojnc'ojnil xoj e yec' machljoc. Man̈x 'a pax tas 'oj e na 'a eyitb'eyum, yujto wan xo e 'at 'a jun e cajnub' 'a jun 'ejmn̈ej, ax eb' 'anma 'a yoltc caye 'oj laj 'oc' eb yuj e chamlil.

Job 6:11

Man̈x 'a wip tzwab'i yic tzwa'n techjoc yailal, man̈x 'a pax tas yuj 'i'n cob' to pitzn in.