Job 16:10 - Chuj San Sebastian Bible

¹⁰ Til wal 'anma tzyam sb'a yic tzin laj sb'uchn eb', tzlaj spawnc 'och eb' sc'ab' 'a in ti', caw man̈x 'a yel'ch tzin yutj eb'.

Chuj San Mateo Bible

¹⁰ Jantac eb' anima smolb'ej sb'a yic tzin sb'uchan eb'. Stz'itanb'at in sat eb', emnaquil tzin yutejcan eb'.

Job 16:10 Referans Kwoze

Salmos 35:15

Palta ax yic in telw 'ejm yuj in yailal, 'ix q'ue somnjoc eb' in stzetzn smasnil; 'icha to chuc 'anmal eb', coynto man̈ in yojcoc eb', toc tzyactj eb' in sb'ajni.

Salmos 22:13

Tz'el yaw eb' 'icha no león caw ow, c'awn sti eb' tzcot eb' 'ayin.

A Tas Sc'ulejnac Eb' Schecab' Jesús Hechos 23:2

Ax Ananías, win sat ya'mal 'och sti eb' israel 'a Dios, 'ix yaln win 'a eb' 'ayc' 'a stz'ey Pablo cha, to tzmac' eb' sti'.

Miqueas 5:1

Ex 'aj Jerusalén, b'oc chan̈ smuroal 'aj tze col e b'a, yujto tox 'ix 'och oyn eb' 'ajc'ojl 'ayex. 'Oj smac' eb' sat win syajlil chon̈b' Israel yet' jixc'ab'te'.

Lm 3:30

Toxn̈ej to tzon̈ ma'xec, mto tzon̈ b'uchxec, qui chan̈jec qui cuchu'.

Is 50:6

'Ix wac' yich in patc smac' eb' 'ajc'ojol, xwa'n stzucl eb' xil in ti'. Ma'ix in c'ub'j 'el in sat 'a eb' tzin b'uchni, yet' 'a eb' tzin tzub'ni.

2 Co 11:20

'Ay eb' tzex 'a'n pural, yic tzeya'n servil eb'. Ax jantcn̈ej tas 'ay 'ayex, c'uxn tztoc'c' eb'. Caw tzya'ch sb'a eb' yajlil 'ayex, tzyi'n chan̈ sb'a eb', 'ay 'aj tzpawch eb' scab' 'a e sat, palta ax xo, 'in tzeyac' techjoc 'a eb'.

A Ch'an̈ B'ab'el Libro Yic Yab'ixal Eb' Rey 22:24

Xlajw cha, 'ix jaw Sedequías 'a stz'ey Micaías, atn win yunnal Quenaana, spawn 'och win sc'ab' 'a sti win Micaías cha, 'ix yaln win 'ixtic: —¿Tas 'ix 'aj yel Yespíritu Jehová 'aych 'ayin, yuj cha, ax 'aych wan spaxtini? xchi winac.

A Tas Sc'ulejnac Eb' Schecab' Jesús Hechos 4:27

Wal yel, a win Herodes, win Poncio Pilato, eb' man̈ israeloc, yet' pax eb' quit israelal on̈, 'ix syam sb'a eb' 'a yol chon̈b' tic. 'Ix sc'umj sb'a eb' 'a spatc Onnal, atn jun sic'b'il 'el o'oj. Palta ach a'jnac can yopiso.

Jn 18:22

Xlajwn̈ej yaln jun tzo'n̈ cha, ax jun win stan̈mal yatut Dios 'ayc' ta', spawn 'och win sc'ab' 'a sat Jesús cha. 'Ix yaln win 'ixtc 'a 'a: —¿Tom 'ixta tzotj a ta'wni tas tzyal win sat ya'mal 'och qui ti 'a Dios? xchi win 'a Jesús.

Mt 26:67

Xlajw cha, 'ix stzub'n 'och eb' stzub' 'a sat Jesús, 'ix smac' pax eb'. 'Ay pax eb' xpawn 'och sc'ab' 'a sti',

Salmos 94:21

Tu tas tzna eb' 'a spatquil eb' tojl snab'en, tzlaj ya'nc 'och eb' chaml 'a yib'n̈ eb' may smul.

Salmos 35:21

Caw 'ip tzlaj 'awj chan̈ eb' 'a in patic, tzyaln eb' 'ixtic: 'Iltec wal tz'aji, caw 'ix quilc yet' qui sat, xchi eb'.

2 Cr 18:23

Xlajw cha, 'ix snitzn cot sb'a Sedequías, yunnal Quenaana 'a stz'ey Micaías, spawn 'och sc'ab' 'a sat Micaías cha, 'ix yaln 'ixtic: —¿Tas x'aj yel Yespíritu Jehová 'ayin, yic tz'at paxtinc 'ayach? xchi.

Job 16:11

A Dios, a in 'a'n 'och 'a yol sc'ab' eb' 'anma tu snab'en, caw wal 'a'm 'es eb'.

Job 30:12

A eb' 'anma tzchichn 'och 'ayin, tzjaw wal ch'ucn eb' 'a in tz'ey yic tzin 'em yuj eb' snani, tzyamn 'och eb' yac' owl wet'oc, tznib'j eb' to tzin cham muc'uc.

Salmos 3:7

Mamin Jehová cotn̈ colwjoc wet'oc, coln ach in Diosal. Ach 'oj a ma'lajwc sat eb' 'ajc'ojl yajch 'ayin, ax a ma'n pax 'el ye eb' tzb'on maysch'olnil 'a in patic.

Lm 2:16

Smasnil eb' 'ajc'ojl yajch 'a 'a, tzlaj yal eb' tu paxti 'a 'a. Tzlaj xulmjoc eb', tzlaj pax ch'umnjoc eb', tzlaj yaln eb' 'ixtic: 'Ix qui satc 'ejm jun chon̈b' tic 'a jun 'ejmn̈ej. Atn jun c'ul tic tan̈b'il xon cujec; al ticnec, wan quilnec tas tz'aji, xchi eb'.

Salmos 22:14

'Icha wal tz'aj a a stob'i, 'ixta tzin 'aji. Caw 'ix 'el wip. 'Ix yactn sb'a in b'aquil, ax in pixan 'ix 'ulb'x can 'at 'a yol in c'ojl 'icha no chab'ic'.

Salmos 56:6

Tzan 'ajtil tzyam sb'a eb', tzlaj sc'ub'nc 'el sb'a eb' yic tzin smacn eb', tzin stan̈wni eb', ax yec' a janic' tzin smiln eb' snani.