Job 15:2 - Chuj San Sebastian Bible

² A mach jeln snab'en, man̈ smojc sta'w yet' jun tzo'n̈ paxti may yopiso, mto jun tzo'n̈ paxti ton̈j tzsatcn 'at 'a scal 'ic',

Chuj San Mateo Bible

² A mach jelan, man̈ smojoc stac'vi d'a comon lolonel, man̈ smojoc pax syic'chaan̈ sb'a syalan tas ton̈ej sb'at yuj ic'.

Job 15:2 Referans Kwoze

Job 6:26

Ax tic, tu tzcob' eyal 'ayn yuj jun tzo'n̈ tas xlaj wala', palta eyojtac a spaxti junc mach 'aych 'a syailal, 'ay 'aj may xon jac yel'chi.

Os 12:1

A eb' 'aj Efraín, a tas tzb'o eb', may jac yel'chi, ton̈j tzyixtj sb'a eb'. Caw tzniwtj yixtn eb' yit 'anma'il, tzniwtj pax ya'n eb' 'es. Tzb'o eb' strato yet' chon̈b' Asiria, tzya'n 'at eb' aceite smontnb'ilc Egipto, xchi Dios.

Job 8:2

¿B'a'n̈to wal 'oj 'och wan aln jun tzo'n̈ a paxti tic? A tas wan aln tic, lajn wal 'icha jun 'ic'n̈ab' caw ow.

Santiago 3:13

Toto 'ayx caw jeln ex, toto tznachj 'el junc tas eyu'uj, yowlal caw wach' tzeyutj e b'eyb'al. 'Ixta 'oj eyutc e ch'oxn 'eli, to 'emmquil tzeyutj e b'on smasnil tas yuj e jelnal 'a sat Dios.

Job 13:2

A tas eyojc ax tic, wojc pax jun xo; man̈toc yel xo 'emnc in c'ojlani.

Job 15:1

Yuj cha, xta'w Elifaz win 'aj Temán, xyaln win 'ixtic:

Job 15:3

man̈toc ton̈j tzcomn paxtini, matz c'anlb'ej paxti may yopiso.

Pr 16:23

A eb' jelan, tzna eb' tas tzyutj paxtinc sb'a eb', yuj cha, 'ay eb' tzmontchj yuj spaxti eb' cha.

Ec 5:15

'Icha wal tz'aj yalj 'a yolyib'n̈q'uinl tic, 'ixta tz'aj smeltzj paxi; jitn 'eli yic tz'alji, ax yic 'oj meltzjoc paxi may jac chi 'oj yic' yet'oc. A jun cha, caw wal cusc'ojlaln̈ej yaji, scal xiwc'ojlal, scal yailal mto scal somc'ojlal tzwa'i, yuj cha, nab'an̈ej tzyixtj sb'a smunlji.

Os 12:2

A eb' 'aj Judá, atn eb' yin̈tl Jacob, 'ay smul eb' 'a sat Jehová. Yuj cha, 'oj ya'ch yailal 'a yib'n̈ eb' yuj stu b'eyb'al cha. 'Oj stojlajwc eb' 'icha wal tas tz'el sb'oni.