Job 14:7 - Chuj San Sebastian Bible

⁷ A yic tzu'x 'el junc te te', cojc si'mb'il to 'oj wolnc te', ax te swol chi 'oj q'uib'xi.

Chuj San Mateo Bible

⁷ Ayic sch'acjiel junoc te te', scac'och yipoc co c'ool to ol ja svol te', axo te svol chi' sq'uib'xi.

Job 14:7 Referans Kwoze

Is 27:6

'Ay jun c'ual 'oj yi'x eb' yin̈tl Jacob yip jun 'ejm xo. Yuj eb' ax ya'n cot Dios syaxilal 'a yolyib'n̈q'uinl tic jun 'ejm xo. Lajn eb' 'icha junc snun uva to tz'ejm schan̈l yib', tzwolni, tznichni, caw niwn sat tzyac'a.

Is 11:1

'Icha junc te yib'te tzwolni, 'ixta 'oj 'aj spitzw chan̈ jun yin̈tl Isaí.

Job 14:14

A junc 'anma tzchami ¿tom 'oj pitzwc paxi? Palta an xo tic, 'oj wac' techjoc in yailal, masnto 'oj c'och sc'ul wel 'a libre.

Job 19:10

In yac' lajwc 'ejm wal si'mb'il, ax tas 'aych yipc in c'ojol, c'uxn xlajw 'el 'icha tzyac' junc te te tztacj yet' sch'an̈lyib'.

Dn 4:15

Cojxn te yib' tzeyactj can yet' sch'an̈l yib' 'a sat lu'um, ax yet' q'uen cadena to hierro yet' bronce tze jalcn 'ejmi. Cancn cab' 'a scal te c'ultac. A mach tzch'ox jun yib'te cha, lojx cab' 'el yuj chicb'chan̈ tz'ejm 'a yib'an̈, ax cab' te c'ultc tzpac' 'a sat lum tic, a 'oj slo yet' no calte'al noc'.

Job 14:6

'Ij 'el a sat 'ayin sec tzin can 'a junc'ojlal, ya' sb'a tzlajw c'och in q'uinl 'icha junc mach tzmunlj 'a junjn c'u.

Job 14:8

Wach'xam caw 'ichm xo te sch'an̈l yib' cha, mto wan sc'a te yib' cha,

Is 6:13

Toto 'ayt jaywn̈ocx eb' 'oj can 'a yol schon̈b' cha, ax scha ma'x pax 'ejm schon̈b' eb' chi jun 'ejm xo. Palta 'icha tzyac' te jiy mto te ma'ach', 'a yic tzch'acx 'el te', cojxn te yib' tzcani, 'ixta 'oj 'aj eb'. (Palta a te yib' cha, tzwoln pax te'. 'Icha te yib'te cha, 'ixta eb' in chon̈ab', 'oj in si'cn 'el jaywn̈ocx eb' wico'), xchi Dios.

Dn 4:12

Caw wach' yilx xil te', man̈x jantcoc sat te', tztechj swatzan te smasnil 'anma yet' sat cha. A 'a yen̈l yich te', ata tzmol sb'a e no calte'al noc'. Ax 'a scal sc'ab' te', ata tzb'o e no ch'ic so', smasnil tas pitzn 'a yolyib'n̈q'uinl tic, tztechj te swatzani.