Job 14:1 - Chuj San Sebastian Bible

¹ An̈ 'anman̈ tzon̈ 'alj 'el 'a yolyib'n̈q'uinl tic, caw jab' wal qui q'uinal, scal pax yailal tz'aj yec' tiempo cuj on̈.

Chuj San Mateo Bible

¹ A on̈ anima on̈ tic tzon̈ alji d'a co nun, jab'n̈ej tiempo squila', scaln̈ej yaelal tzon̈ eq'ui.

Job 14:1 Referans Kwoze

Job 5:7

Mun wal tzquij cot yailal 'a quib'an̈, 'icha tz'aj stz'itj 'el snich te c'ac', 'ixta tz'aj sjaw 'ayon̈.

Ec 2:23

Smasnil tiempo somc'ojlal cajec, 'al tzcab'c 'icha yal-l junc 'icatz, matz 'ilj xon jac qui nab'enec tz'ec' 'ac'wal. An̈jtona pax jun tic, may jac yel'chi.

Job 25:4

Toc 'ay junc 'anma may smul 'a sat Dios, toxn may xon mach wach'.

Job 7:1

An̈ 'anman̈ cajn on̈ 'a sat lum tic, lajn wal cab'n syal 'icha junc soldado mto 'icha junc 'anma 'aych mosoal 'a spatron̈.

Gn 47:9

Xta'w Jacob 'a win rey 'ixtic: —130 ab'il nant in q'uinal, til wal 'aj tzlaj in 'eq'ui, caw wal mant niwnoc in q'uinal, yujto yailaln̈ej tz'aj yec' jab' tiempo tic wu'uj, palta mantzac c'och wab'lil 'icha sq'uinl eb' 'in mam wicham, xchi winac.

Mt 11:11

Wal yel tzwal 'ayex, a 'a scal eb' 'anma 'a yolyib'n̈q'uinl tic, may junc mach 'ec'b'al yel'ch 'a yib'n̈ Juan Bautista cha. Palta ax eb' 'aych 'a yol sc'ab' Dios, wach'xam eb' caw may yel'chi, yel xo 'ec'b'al swach'l yic eb' 'a yib'n̈ yic Juan cha.

Salmos 51:5

Wal yel a yic in 'alji, toxnto may in ch'olnil. Yictax 'aynto 'ec' 'a yol sc'ojl in nun, man̈ in wach'oc.

Job 15:14

Toc 'ay junc 'anma to caw wach', yic may jac smul tz'ochi.

Job 9:25

A jab' in q'uinl tic, caw wal ji'lti yec' muc'uc, may xon pax 'aj xwil jac tzaljc'ojlal.

Job 7:6

A 'in q'uinal, caw wal ji'lti sb'ey tzwab'i, lajn wal sb'ey 'icha junc jul-lab' b'ey ch'al tzc'an eb' jalum, yuj cha, to tzlajw c'och in q'uinal, man̈x 'a tas 'aych yipc in c'ojol.

Ec 2:17

Ax x'aji in tzactzj cha'an̈, nab'a xoj pitzn in, yujto a smasnil tas tzin b'o 'a yolyib'n̈q'uinl tic, ton̈j tzwixtj in b'a in b'oni. Mayxon jac yel'ch smasnil, lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Salmos 39:5

Caw wal c'ochn 'ix otj can in q'uinal, 'icha to may jac yel'ch 'a a sat. Yel ton b'i'an, qui masnil an̈ 'anman̈ tic on̈, caw may yel'ch jab' qui q'uinl tic on̈.

Gn 3:17

Xyaln pax 'ixtc 'a win winc cha: —Yujto xa yiclj 'a 'ix estzil tic, xa lon sat te te xwal to matz a lo'o, a ticnec, tic wal tzin catb'ej can 'el lum lum tic a mulojoc. Ya' sb'a 'aych 'ec' 'a yolyib'n̈q'uinl tic, 'oj ab' syal a munlji, 'ixta to b'i'an ax yilchj tas tza c'uxu.

Job 10:20

Ya' sb'a to man̈ najtoc yoc jab' in q'uinl tic, comnoc tz'el 'a a c'ojl a'n in junc'ojlal. 'Ac' wil jac tzaljc'ojlal,

Salmos 89:47

Na cot nab'an to c'ochn yoc jab' in q'uinl 'ix ac'a. An̈ 'anman̈ tic on̈ jab' wal tiempo tzac' quil on̈.

Jeremías 20:18

¿Tas wal yuj in 'alji? ¿Tom yuj wiln yailal yic tzin cham 'a q'uixwc'ojlal? xchi Jeremías.

A Ch'an̈ Schab'il Libro Yic Yab'ixal Eb' Rey 4:19

'ix yaln jun 'unn chi 'a smam 'ixtic: —¡'Ay, caw wal ya in jolom! ¡Caw wal ya in jolom! xchi jun 'unn cha. Xlajw cha, 'ix yaln win mamb'il chi 'ixtc 'a junc eb' schecb' cha. —'Ij 'at win 'a snun, xchi.

Job 8:9

An̈ec tic, 'icha to 'ewt on̈ jawc 'a yolyib'n̈q'uinl tic, mant 'a jac tas cojquec; ax jab' qui q'uinlec 'a sat lum tic, lajn wal yec' 'icha wewen.

Job 25:5

A 'a sat Dios, toc 'ay stzictznil 'uj yet' pax swach'l yilx c'anal;

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.