Job 13:12 - Chuj San Sebastian Bible

¹² A jun tzo'n̈ cuynb'il yic eb' qui mam quicham 'in a tze c'anlb'ej, a jun tzo'n̈ cha may yopiso, lajn 'icha q'uen stan̈il c'ac'; lajn pax 'icha to lum tzca'ch smuroalc qui chon̈ab'.

Chuj San Mateo Bible

¹² A juntzan̈ peca' c'ayb'ub'al tzeyala', malaj yelc'ochi, lajan icha junoc muro nab'a luum scac'och yipoc co c'ool.

Job 13:12 Referans Kwoze

2 Co 5:1

A qui niwnalec tic, lajn 'icha junc pat yajn̈ej tzlan̈chji. Palta cojquec, a yic 'oj lajwc 'ec' jun qui niwnalec tic, 'ay junx 'oj yac' Dios 'ayn̈ec 'a satcha'an̈. A jun cha, may b'a'n̈ 'oj lajwoc. Lajn 'icha junc n̈a caw wach' tz'aj sb'o'i, yujto man̈oc junc 'anma b'ojnac.

Is 26:14

A eb' cha, chamnc xo eb', man̈x 'oj pitzwc pax eb' jun 'ejm xo; man̈x b'a'n̈ 'oj checljoc chan̈ eb'. Lajn x'aj eb' yec' 'icha wewen, tox 'ix ac' syailal eb', 'ix a'n sat 'ejm snanb'il cot eb'.

Pr 10:7

A eb' wach' snab'en, caw tznax cot eb' 'a tzaljc'ojlal; ax eb' maysch'olnil sb'eyb'al, toc 'ayt mach tznan cot eb'.

Salmos 109:15

Checln̈ej cab' yaj smul eb' chi 'a sat Dios. Sat cab' 'ejm yalx eb' 'a sat lum lum tic,

Salmos 102:12

Ach xo pax Mamin Jehová, yajl ach 'a jun 'ejmn̈ej. 'Oj naxoc cot a b'i yuj junjn c'aj eb' 'anma tz'ec' 'a sat lum lum tic.

Salmos 34:16

Palta 'ay cot yowl sc'ojl 'a yib'n̈ eb' tzb'on maysch'olnil, yic tzsatn 'el snanb'il cot eb' 'a sat lum lum tic.

Job 18:17

Ax sat 'ejm yalx snanb'il cot 'a sat lum tic, man̈x b'a'n̈ 'oj b'inaxc sb'i.

Job 4:19

Ocxom wal eb' 'anma', caw wal may ste'nal eb'. Lajn eb' 'icha junc xamit n̈a b'ob'il q'ue 'a yib'n̈ poc. Wach' yic tzq'uin̈lb'i, ax 'a yic yemc'ual juwnc xo paxi. Lajn pax eb' 'icha no 'ij tzte'x can 'ejm 'a sat lum, jun 'ejmn̈ej tzcham muc'uc, toc 'ay mach tzcus yu'uj.

Ex 17:14

Xlajw cha, xyaln Jehová 'ixtc 'a Moisés: —Tz'ib'j can jun tzo'n̈ tic 'a junc u'un̈, sec 'oj naxoc coti. Al 'a Josué chajtlto an 'oj in satl eb' amalecita 'a jun 'ejmn̈ej; man̈x 'a b'a'n̈ 'oj alxoc cot eb', xchi Dios.

Gn 18:27

'Ix yaln pax Abraham 'ixtic: —'Ac' niwnc'ojlal 'ayin, to tzin paxtin to jacx et'oc, ach tic Yajl ach, an tic 'anmann̈ej, may jac wel'chi.

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Job 13:11

A Dios caw niwn yel'chi, yujn̈ej smay ax eyib'x yuj xiwlal.

Job 13:13

A ticnec sictac tzex 'aji, to 'oj in paxtini, toxn̈ej tzcot 'a wib'n̈ yuj tas 'oj wal tic.

Job 27:1

Scha aln pax Job 'ixtic:

Job 29:1

Syamn 'och Job yaln jun 'ejm xo 'ixtic:

Job 21:34

¿Tas wal 'oj eyutc eya'n sniwnal in c'ojol? A jun tzo'n̈ tas xeyal 'ayn tic, may jac yel'chi, man̈ yelc xon eb', xchi Job.