Job 12:24 - Chuj San Sebastian Bible

²⁴ A tz'i'n 'ec' sjelnal eb' 'aych yajlil 'a junc chon̈ab', yuj cha 'icha to tzsatcn 'ec' eb' 'a cusltac lum 'aj may b'e.

Chuj San Mateo Bible

²⁴ A tz'ic'anec' sjelanil eb' yajalil junoc chon̈ab', yuj chi' ichato satcanb'at eb' d'a tz'inan lum b'aj man̈xalaj b'e.

Job 12:24 Referans Kwoze

Salmos 107:40

A 'a Dios may yel'ch eb' 'ajc'ojl niwc winc tzyutj sb'a, a tz'a'n satc' eb' 'a lum cusltac lu'um. Matz 'ilchj xon sb'e eb' 'aj tz'ati.

Job 12:20

Ax eb' 'ichmtac winc yipc'ojlal ya'n junc nab'en, sictac xoj tz'ajcn eb', 'ixta pax eb' 'aych yopiso sb'eyc'ojlwi, tz'ijx 'ec' sjelnal eb' cha.

Os 7:11

A eb' 'aj Efraín, lajn wal eb' 'icha junc no 'uch may snab'en, ton̈j tzsatq'ui. Tz'at sc'an eb' colwal 'a Egipto, tz'at sc'annc eb' colwal 'a Asiria.

Dn 4:33

A wal 'a yic jun rato cha, 'ix 'el'ch tas alb'il can 'a yib'n̈ win rey cha, 'ix pechx 'el 'a scal eb' 'anma'. A te c'ultc slo 'icha no wacax, 'ix 'ejm chicb'chan̈ 'a yib'n̈ sniwnal. 'Ix q'uib' xil 'icha xil no salt'iw, xq'uib' pax yech 'icha yech no salt'iw cha.

Dn 4:16

Caw 'oj juwc 'el snab'en, lajn 'oj 'ajcn snab'en 'icha no noc'. A jun yailal 'oj 'ec' 'a yib'n̈ cha, uque ab'il 'oj yac'a'.

Is 19:1

Atn jun tzo'n̈ paxti tic 'ix alx can 'el 'a yib'n̈ Egipto: 'Iltec wal sjaw Jehová, wocn q'ue 'a yib'n̈ jun 'asun, caw ji'lti sb'eyi yic tz'at 'a Egipto. Caw wal tz'ib'x chan̈ jun tzo'n̈ comn dios yic Egipto yuj smay, caw tzxiw pax eb' 'aj chon̈b' chi yu'uj.

Salmos 107:4

'Ay eb' quit chon̈b'ec xlaj satc' 'a lum cusltac lum sch'ocoj, ma'ix 'ilchj sb'e eb' 'aj xlaj 'ati, yic tzc'och cajn eb' 'a junc chon̈ab'.

Job 17:4

Ach 'ix ac' sat snab'en jun tzo'n̈ 'anma tic, sec wach' matz in yac' ganar eb'.

Salmos 59:12

Tz'och smul eb' yuj smasnil tas tzyala; 'och cab' syailal eb' yuj sb'an̈quinal, yuj scatb' paxti', yet' pax yuj ya'm 'esal eb'.

Dn 4:12

Caw wach' yilx xil te', man̈x jantcoc sat te', tztechj swatzan te smasnil 'anma yet' sat cha. A 'a yen̈l yich te', ata tzmol sb'a e no calte'al noc'. Ax 'a scal sc'ab' te', ata tzb'o e no ch'ic so', smasnil tas pitzn 'a yolyib'n̈q'uinl tic, tztechj te swatzani.

Dn 4:13

Ax xwiln 'a in waych cha, 'a 'a scal eb' yángel Dios stan̈mal yolyib'n̈q'uinl tic, ata 'ix cot jun ángel chi 'a satcha'an̈, 'ix 'eml 'a yolyib'n̈q'uinl tic: