Job 12:22 - Chuj San Sebastian Bible

²² A tz'a'n 'ojcax 'el tas c'ultac yaj yu'uj, ax jun tzo'n̈ tas 'ay 'a scal q'uic'q'uinal, a tz'i'n 'elta, ax 'a scal sacq'uinl tzya'x cani.

Chuj San Mateo Bible

²² Syac'an ojtacajel tas c'ub'eltac yaji. Syac'an checlaj tas man̈ ojtacab'iloc.

Job 12:22 Referans Kwoze

Dn 2:22

Ach tzac' cojcoc 'el jun tzo'n̈ tas caw 'ajltac snachj 'eli, yet' jun tzo'n̈ tas c'ultac yaji. Ojc tas 'ay 'a scal q'uic'q'uinal, yujto 'aj sacq'uinl ach.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

1 Co 2:10

Palta a Dios tz'a'n cojcoquec 'el jun tic yuj Yespíritu. Yujto a Yespíritu tic, tzyojquej 'el smasnil tas. 'Ay jun tzo'n̈ tas yic Dios yaji, matz nachj 'el yuj eb' 'anma', palta ax Yespíritu yojtac.

Job 3:5

Comnoc 'ay junc tas q'uic'q'uinl x'ajch 'a yib'an̈ sec xq'uic'b' 'eli, mto a junc q'uic' 'asn tzc'ub'n 'eli, mto pax junc xo tas tz'ec' 'a sat sec x'och xiwc'ojlal 'a jun c'u cha.

Lc 1:79

Ax ya'n sacq'uinl 'a eb' 'ay 'a scal q'uic'q'uinal, atn eb' wan s'at 'a chamel. A 'oj ch'oxnc pax 'ayn̈ec, tas tzcutjec qui b'eyb'al, sec junc'ojlal tzon̈ 'ajc yet'oc, xchi win Zacarías cha.

Am 5:8

Meltzjan̈c 'a Jehová, atn jun b'ojnac jun tzo'n̈ c'anal tzcuch mo'otz, yet' pax jun tzo'n̈ tzcuch ucwan̈. A tz'a'n 'och q'uic'q'uinl 'a sacq'uinlal, a tz'a'n 'och pax sacq'uinl 'a q'uic'q'uinlal. A tz'i'n cot a a 'a a mar, tzlajw cha, tzsecn 'ejm a 'a sat lum lum tic. A tz'a'n lajwc 'el eb' soldado caw wal cob' 'ay yip, tzlajw can 'ejm scuartel eb'. Jehová ton wal sb'i.

Mt 10:26

Yuj cha, man̈ ex xiw 'a eb' 'anma'. Jantcn̈ej tas c'ultac yaj ticnec, c'uxn 'oj checljoc 'eli. Yet' jantcn̈ej tas c'ub'b'il 'eli, c'uxn 'oj 'ojcaxc 'eli.

Job 34:22

A eb' maysch'olnil sb'eyb'al, matz tac' sc'ub'x 'el eb' yuj q'uic'q'uinal.

Salmos 139:12

A jun q'uic'q'uinl cha, ma'oj stac' in sc'ub'n 'el 'ayach. A 'ac'wal, caw wal sacq'uinl yilx 'icha 'a c'ual. A q'uic'q'uinal yet' pax sacq'uinal, lajnn̈ej yilx eb' 'ayach.

Salmos 44:21

toto 'ixta', ¿toc am ma'on̈ el coti? ¿toc 'ay junc tas c'ultac yaj to man̈ ojcoc?

Job 24:17

A sacq'uinl cha, caw tzxiw eb' 'a 'a; ax q'uic'q'uinal, caw wal tzalj eb' yet'oc, yujto ata tzxiw jun tzo'n̈ xo eb' 'anma'.

Job 11:6

Tzach sch'oxn 'a jun tzo'n̈ jelnal c'ultac yaji, atn jun tzo'n̈ caw 'ajltac snachj 'eli. Toto 'ixta', 'oj ojcoc 'eli, to mantzac yac' Dios a yailal 'icha wal tas smoj a chani.

A Ch'an̈ Schab'il Libro Yic Yab'ixal Eb' Rey 6:12

'Ix yaln jun win schecb' chi 'a 'ixtic: —May mamin rey. Palta a Eliseo win schecb' Dios 'ayc' 'a chon̈b' Israel cha, a tzaln yab' win rey cha, yuj smasnil tas tzala, wach'xam c'ultacl tzal 'a yol atut, xchi 'a 'a.

Salmos 139:11

Q'uinloc tzwal 'ixtic: Sc'ub'quin cab' 'el q'uic'q'uinal, mto tz'och jun sacq'uinl tic q'uic'q'uinlal 'a in patic, xin chi.