Job 12:19 - Chuj San Sebastian Bible

¹⁹ A tz'i'n 'el eb' ya'mal 'och sti eb' 'anma 'a yopiso, tzya'n pax 'ajxoc ganar eb' 'ayx tiempo yoch yajlil.

Chuj San Mateo Bible

¹⁹ A' tz'ac'an quistalax eb' sacerdote. A' tz'ac'an ac'joc ganar eb' nivac yopisio.

Job 12:19 Referans Kwoze

Apoc 17:14

Caw 'oj yac' eb' owl yet' jun tzcuch Calnelu, palta a 'oj 'a'nc ganar 'a yib'n̈ eb'. Yujto a jun tzcuch Calnelu cha, Yajl yaj 'a eb' yajal, sReyl pax eb' rey. Ax eb' 'ayc' yet'oc, 'awtb'il chan̈ eb' yuj Dios, sic'b'il 'el eb' yu'uj, atn eb' yiclum 'a 'a, xchi jun ángel chi 'ayin.

Is 45:1

A Jehová a 'ix si'n 'och Ciro reyal, caw a 'ix quetzn b'ey yet' swach' c'ab', sec tz'ejm jun tzo'n̈ nacion̈ yu'uj, yuj pax yi'n 'ec' yopiso eb' rey. A Jehová, a 'oj 'a'nc jacwc spuertail jun tzo'n̈ chon̈b' 'a Ciro, may junc mach 'oj stac' smacni. Yuj cha, tzyaln Dios 'a 'ixtic:

Job 35:9

A eb' 'anma til wal tz'aj yixtxi, til wal sc'acw eb', tzlaj 'el yaw eb' yic tzlaj sayn eb' mach tzcoln 'el 'a yol sc'ab' eb' tz'ixtn cha.

Job 34:28

A eb' meb'a', yet' eb' 'ay tas 'ay sc'a'l tz'och yu'uj, 'ix c'och yel yaw eb' 'a Dios yuj eb' maysch'olnil cha. 'Ix yab'i, to caw 'oltac yel yaw eb'.

Job 24:22

Tz'ijx 'at eb' 'ay yip chi yuj spoder Dios. A wal yic tzch'oxn Dios chi spoder, toc 'ayt junc mach ma'oj xiw 'a chamel.

Josué 10:24

A yic xjaw eb' 'a yojltac Josué, 'ix yawtn cot smasnil eb' soldado cha, 'ix yaln 'a eb' syajlil eb' chi 'ixtic: —Nitzc cot e b'a, tze yetz'tan e te'n sjaj jun tzo'n̈ rey tic, xchi 'a eb'. 'Ix cot eb' muc'uc, 'ix yetz'tan eb' stec' sjaj ewin rey cha.

Job 19:9

'Ix yij 'ec' in ricoal, xya'n sat 'ejm in b'inab'ilal.

Job 21:7

¿Tas laj wal yuj an̈ja pitzn eb' 'anma tu snab'en tic? Caw wal tz'och eb' 'ichm 'anma'il, til wal pax tas 'ay 'a eb'.

Job 34:20

Toto tzyal sc'ojl Dios, junn̈j wal rato tzlajw 'anma scham smasnil 'a junc 'ac'wal, yajn̈ej tzon̈ satc 'eli; ax eb' tzyal jelnal sb'a' mun 'oj cham eb' 'a 'ichn̈jta', man̈ 'anmac 'oj milnc eb'.

Job 34:24

Man̈ yowlaloc tzc'anb'j 'ec' yab'i', tas tzyutj ya'n lajwc eb' niwc winac, sec chucx mach tz'ochx can sjelc eb' 'a yopiso.

Is 40:23

A tzjelmtan eb' niwc winc 'a to man̈x 'a jac yel'ch tz'ajcn eb', tzya'n sat 'ejm eb' yajl 'a sat lum lum tic.