Job 12:15 - Chuj San Sebastian Bible

¹⁵ Toto tzyal sc'ojl man̈xtzac yac' n̈ab', ax smasnil tas 'ay 'a sat lum tic, c'uxn tztacj 'eli. Q'uinloc tzyal sc'ojl tzjac cot n̈ab', c'uxn tz'atx sat lum lum tic c'acpil yu'uj.

Chuj San Mateo Bible

¹⁵ Tato a' syamanoch vaan n̈ab', stacjiel masanil tastac d'a sat luum tic. Tato syac'paxcot n̈ab', sb'at a' d'a yalan̈ luum.

Job 12:15 Referans Kwoze

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

Apoc 11:6

A eb' testigo cha, 'ay spoder eb' smacn 'och wan n̈ab', sec man̈xtzac yac' n̈ab' yic tz'ec' yalnc 'el eb' spaxti Dios. 'Ay pax spoder eb' ya'n 'och a a chic'al. Tzta'n̈j ya'n 'och eb' tzann̈j yailal 'a yolyib'n̈q'uinal, a tzyala 'aj tznib'j eb'.

Lc 4:25

Tze na cot yab'xil win Elías pecti', chajtl 'e'nac. Nan̈l schan̈l ab'il man̈xtoc ya'jnac n̈ab', caw niwn wejl jawnc 'a yib'n̈ eb' 'anma smasnil. A 'a jun tiempoal cha, til wal eb' 'ix quit israelal chamnc yichmil,

Nahúm 1:4

A tzalni, yic tztup chan̈ a mar yet' eb' a niwc a tzb'eyi. A pax tzalni, yic tztacj chan̈ eb' lum lum yax sat, atn lum Basán, lum jolm witz Carmelo, yet' lum Líbano, atn lum 'aj 'ay te nichte' wan laj stacj 'ejm lojljoc.

Am 5:8

Meltzjan̈c 'a Jehová, atn jun b'ojnac jun tzo'n̈ c'anal tzcuch mo'otz, yet' pax jun tzo'n̈ tzcuch ucwan̈. A tz'a'n 'och q'uic'q'uinl 'a sacq'uinlal, a tz'a'n 'och pax sacq'uinl 'a q'uic'q'uinlal. A tz'i'n cot a a 'a a mar, tzlajw cha, tzsecn 'ejm a 'a sat lum lum tic. A tz'a'n lajwc 'el eb' soldado caw wal cob' 'ay yip, tzlajw can 'ejm scuartel eb'. Jehová ton wal sb'i.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Job 12:10

yujto yol sc'ab'n̈ej 'ay sq'uinl smasnil tas pitzan. A tz'a'n sq'uinl smasnil 'anma'.

Gn 7:11

A wal stz'acw yab'lil Noé 'a waque ciente ab'il sq'uinal, yic yuclajn̈il c'u yoch schab'l 'uj, yic xn̈i'chj q'uet a niwc a 'ay 'a yaln̈ lum lum tic, xcot pax secnjoc a a 'ay 'a satcha'an̈.

Gn 6:17

Wal yel 'oj wa' cot jun niwquil owl yaxn̈ab' 'oj 'a'n b'ut'joc 'el sat lum lum tic, ax satl smasnil tas pitzn 'a sat lu'um.

Gn 6:13

Yuj cha, xyaln Dios 'ixtc 'a win Noé: Tox 'ix in na ticnec, to 'oj in satl smasnil eb' 'anma', yuj eb', tzlaj niwtj maysch'olnil 'a yolyib'n̈q'uinl tic.

Dt 11:17

toto 'ixta tzeyutj e b'a, 'oj cot yowl sc'ojl Jehová 'a eyib'an̈. Man̈x 'oj ya' cot n̈ab' 'a stiempoal. Ax lum lum cha, man̈x 'oj yac' lum sb'a'al, ax e cham yuj wejel. 'Ixta wal 'oj eyaj 'a sat lum lum caw wach' cha, lum 'oj yac' Jehová eyico'oc cha.

Gn 8:1

Ax Noé yet' eb' yico', yet' smasnil no noc' 'aych yet' 'a yol barco cha, nann̈ej eb' yuj Dios, yuj cha, 'ix ya'n cot Dios jun niwquil 'ic' 'a yib'n̈ a a cha, sec wach' tztup 'ejm a'.

Job 28:25

A yic xya'n can 'och Dios yip 'ic', yet' pax yic xya'n can 'ejm yechl 'aj tzc'och smacn a a',

A Ch'an̈ B'ab'el Libro Yic Yab'ixal Eb' Rey 17:7

Palta ax x'aji, 'ix tup chan̈ a a cha, yujto man̈x 'a n̈ab' tzyac' 'a jun nacion̈ cha.