Job 12:14 - Chuj San Sebastian Bible

¹⁴ A junc tas to a Dios tzsatn 'eli, may junc mach tztac' sb'on pax cha'an̈; ax junc mach tzmacx 'och wan yu'uj, may pax junc mach tztac' scoln 'eli.

Chuj San Mateo Bible

¹⁴ A tas satel Dios, man̈xa junoc mach syal sb'oanxi. A junoc mach syamchajoch vaan yuj Dios, man̈xa junoc mach scolani.

Job 12:14 Referans Kwoze

Apoc 3:7

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Filadelfia: 'Ay jun caw wach'n̈ej, caw yel. A syawe win rey David a 'ayc' 'a yol sc'ab'. A yic tzjacni, may mach tztac' scomn macni. Ax yic tzmacni, may mach tztac' scomn jacn paxi. A tzaln 'ayx 'ixtic:

Is 22:22

A 'a yol sc'ab', ata 'oj wa'ch syaveal yatut eb' rey yin̈tl can David; may junc mach 'oj stac' smacn puerta to a 'oj jacnoc, may pax junc mach 'oj stac' sjacn puerta to a 'oj macnoc.

Malaquías 1:4

Toto a eb' edomita yin̈tl Esaú a eb' tzaln 'ixtic: Wach'xam on̈ lajwec 'eli, palta 'oj qui b'oc pax chan̈ qui chon̈b'ec tic jun 'ejm xo, toto xchi eb', wach'xam tzb'ox chan̈ eb' schon̈ab', palta an 'oj in ma'x lan̈chjoc jun 'ejm xo. A snacion̈ eb' cha, 'oj yal eb' 'anma yuj 'ixtic: A jun nacion̈ tic, caw wal maysch'olnil, 'ayn̈j 'och pax yowl sc'ojl Jehová 'a yib'an̈, 'oj xchic eb'.

Jeremías 51:58

An Jehová in, tztac' wuj smasnil, an tzwala: To a jun smuroal Babilonia caw wal pim yaji, 'oj lan̈chjoc can 'ejm 'a jun 'ejmn̈ej, yet' jun tzo'n̈ spuertail to caw wal niwac, c'uxn 'oj tz'aoc. Nab'an̈ej wal munljnac 'och jun tzo'n̈ nacion̈ 'a 'a. A jantc munljel 'aj c'unb'nac eb', ton̈j 'oj tz'aoc, xchi.

Job 37:7

A tz'a'n smol sb'a eb' 'anma 'a yol yatut, sec tzyojquej 'el eb' tas wan sb'on Dios.

Job 19:10

In yac' lajwc 'ejm wal si'mb'il, ax tas 'aych yipc in c'ojol, c'uxn xlajw 'el 'icha tzyac' junc te te tztacj yet' sch'an̈lyib'.

Job 16:11

A Dios, a in 'a'n 'och 'a yol sc'ab' eb' 'anma tu snab'en, caw wal 'a'm 'es eb'.

Job 11:10

Toto a Dios tzach 'awtni yic tzach sb'eyc'ojlani, ¿mach wal junc 'oj stac' stenn 'och wa'an?

A Ch'an̈ B'ab'el Libro Samuel 26:8

Xlajw cha, 'ix yaln win Abisai 'ixtc 'a David: —A ticnec tox 'ix ya'ch Dios jun 'ajc'ojl tic 'a yol a c'ab'. 'Ac' in permiso yic tzin miln chamoc. A slanza tic tzin tec 'ejm 'a sc'ojol, masnto tzc'axw 'ejm 'a yol lu'um. Junn̈j tzwac' 'a 'a, ax schami, xchi Abisai.

A Ch'an̈ B'ab'el Libro Samuel 17:46

A ticnec a Jehová 'oj a'n 'och 'a yol in c'ab', 'oj ach in mila', 'oj in tzu'l a jolom, ax wa'n a niwnal chi yet' yic eb' a soldado schi no 'usej, yet' e no chiwjum noc'. 'Ixta 'oj yutc yojcan 'el smasnil eb' 'anma 'a yolyib'n̈q'uinl tic, chajtlto 'ay jun qui Diosal an̈ israel on̈ tic on̈.

Ro 11:32

A 'a sat Dios, man̈ on̈ yiclumoc qui masnil an̈ 'anman̈ec tic. 'Ixta 'on̈ yutjec, sec wach' jun lajnn̈ej tzyutj yo'ch sc'ojl 'ayn̈ec qui masnil.

Jeremías 51:64

tzaln 'ixtic: 'Ixtc wal 'oj 'aj yejm Babilonia. Man̈x 'a b'a'n̈ 'oj q'uex wan jun 'ejm xo, yuj jantc yailal 'oj jawc 'a yib'n̈ yuj Jehová, xa chi, xchi Jeremías. Atn 'a tic tzlajw can c'och spaxti Jeremías.

Is 25:2

'Icha wal junc b'ulc q'uen q'ue'en, 'ixta x'ajcn jun tzo'n̈ chon̈b' o'oj. A jun tzo'n̈ chon̈b' caw wach' yajch yipnub'al, a 'ix lan̈chj 'ejmi. 'Ix a ma'n pax lan̈chjoc sdespacho eb' 'ajc'ojl yajch 'ayon̈, man̈x 'a b'a'n̈ 'oj b'ox chan̈ jun 'ejm xo.

Is 14:23

Cojn no lechuza 'oj cajnoc, ax yochcn yaxlumal. Mesmni 'oj wutc in satn can 'eli, xchi Dios.

A Ch'an̈ B'ab'el Libro Samuel 24:18

A ticnec 'ix a ch'oxli, to wach' a nab'en 'ayin. In ya'ch wal Jehová 'a yol a c'ab', palta ma'in 'a mil chamoc.

Ez 26:14

T'anmtac 'oj 'ajcn jun chon̈b' cha, lajn wal 'oj wutc can 'icha q'uen sam q'uen n̈el-li sat, man̈xtzac q'uib' sc'ultcal, ata 'oj yac' tacjoc eb' yamn chay schim, man̈x 'a b'a'n̈ 'oj b'o jun 'ejm xo.

Gn 7:16

Jun no smam jun no snun, 'ixta 'ix 'aj yoch junjn c'aj e no', 'icha 'ix yutj yaln Jehová 'a Noé. Xlajw cha, caw a Jehová 'ix macn can smac te barco cha.

Ec 7:13

Tzcham wal quilnec tas b'ob'il can yuj Dios: A tas coxo yajcn yu'uj, toc tztac' qui tojlb'tzani.