Job 11:3 - Chuj San Sebastian Bible

³ Am wal a nani to yuj til wal tas tz'el aln tic, ax qui can an̈ tic 'a sictacl on̈. Am tzotj a nani to man̈x 'a mach tztac' spacn jun tzo'n a b'uchwal paxti cha.

Chuj San Mateo Bible

³ A a naani yujto tzach te loloni man̈xa tas scala'. A a naani to man̈xalaj mach syal spacan juntzan̈ a b'uchval lolonel tic.

Job 11:3 Referans Kwoze

Job 17:2

Ax eb' 'anma', oyn 'och eb' 'ayn 'a smasnil tiempo; 'ay eb' tzin laj b'uchni, tzlaj ya'nc eb' cus in c'ojol.

San Judas 1:18

yaljnac can eb' 'ixtic: A 'a jun slajb' tiempoal, 'ay eb' 'oj comn b'uchwjoc. 'Oj sb'eylb'oc eb' jun tzo'n̈ maysch'olnil tznib'j 'ochi, xchi eb'.

Tito 2:8

Tojln̈ej tzotj a cuywj 'a eb', sec wach' matz tac' yaln eb', to maysch'olnil jun chi tzac' scuy eb'. Toto 'ixta', toxn̈ej 'ay eb' tzchichni, palta 'oj q'uixwc 'el eb', yujto may junc tas tztac' yaln eb' 'a qui patquil.

2 Ts 3:14

Toto 'ay eb' matz yiclni tas tzcalb't 'ayx 'a jun qui carta tic on̈, yowlal tze checltej 'el eb' 'a e cal, sec 'oj q'uixwc 'el eb'. An̈jtona', caw matz tac' jun tzex 'ec' yet' eb'.

Jeremías 15:17

An tic, man̈ junc wec' yet' eb' cojn tzaljc'ojlal tz'ec' sayq'ui. Yuj wal jun wopiso a'jnac, yuj cha, in ch'ocj tzin 'eq'ui, yujto tzwab' syal yuj yowl a c'ojl jun xo.

Salmos 83:16

Mamin Jehová, 'ij 'el sq'uixwel eb', sec 'oj 'och tza'n eb' o'oj.

Salmos 35:16

Caw ya in 'ec' yuj eb', in laj sb'uch eb', xjuch'ch'i ye eb' in yiln yet' schichnc'ojlal.

Job 34:7

Toxn may mach lajn 'icha Job tic, caw tzb'uchwj 'a Dios, lajn wal 'icha jac a a tzcuq'uej.

Job 24:25

Toto man̈ 'ichaoc tzwal tic, man̈ 'ixta'oc yaji ¿mach wal junc tztac' sch'oxni mto tzyala to 'es jun tzo'n̈ wan waln tic? xchi win Job.

Job 21:3

'A'c wal niwnc'ojlal 'ayin ya' sb'a wanto in paxtini, tzlajw cab' in paxtin tic, tzin e tzetzn cab' paxi.

Job 13:9

Palta q'uinloc tzex sb'eyc'ojlej Dios, ¿tas 'oj eyutc e b'a? ¿tom 'oj stac' eyixtn paxti 'icha tzeyutj junc 'anma'?

Job 13:4

Ax tic, yuj eya'm 'esal tze c'ub'n 'el tas yel; lajn ex yet' junc 'a'm remel, to may jac tzb'o yu'uj.

Job 12:4

Ex in wach'c'ojol, wach'xam an tic may in mul, may pax in paltail; wach'xam xyab' pax Dios waln in b'a 'a yic yaln̈ cha, palta ax ticnec, ton̈j tzin e tzetzej.