Job 11:18 - Chuj San Sebastian Bible

¹⁸ 'Oj a canx 'a junc'ojlal, yujto 'ay jun tas 'aych yipc a c'ojol; a Dios 'oj a tan̈wni, ax a way 'a tzaljc'ojlal.

Chuj San Mateo Bible

¹⁸ Junc'olal ol ach ajxoc, yujto ay tas ayoch yipoc a c'ool. A Dios ol ach tan̈vanoc, junc'olal ol ach vayoc.

Job 11:18 Referans Kwoze

Salmos 4:8

Mamin Jehová, a yic tzin 'ec' c'otan, tzaljc'ojlal tzcot in wayan̈, yujto ach 'aychn̈ej 'och wet'oc, yuj cha, may tas tzin 'i'ni.

Salmos 3:5

Tzq'uic'b'i, tzin 'e'x can c'otn in wayi, ax yic tzsacb' pax 'eli tz'elx in wayn̈ 'a tzaljc'ojlal. Tzin q'uex wa'an yujto ach tzin a tan̈wej.

Salmos 43:5

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol, a 'aych 'oj wal wach' paxti'. In Colmal aji, in Diosal ach paxi.

A Scarta San Pablo D'a Eb' Aj Colosas 1:27

'Elnc 'a sc'ojol, to tzyac' cojcoquec 'eli. A jun tic, yel xo wal niwn yel'ch 'ayx ax man̈ ex israeloc. Atn jun tic x'ajx cojcoquec 'eli, to a Cristo cajn 'och 'a e pixn junjn ex quet' on̈. Yuj Cristo, tzca'nec 'och 'a qui c'ojol, to 'oj tz'acwc qui wach'l 'icha swach'l Dios.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Job 7:6

A 'in q'uinal, caw wal ji'lti sb'ey tzwab'i, lajn wal sb'ey 'icha junc jul-lab' b'ey ch'al tzc'an eb' jalum, yuj cha, to tzlajw c'och in q'uinal, man̈x 'a tas 'aych yipc in c'ojol.

Job 6:11

Man̈x 'a wip tzwab'i yic tzwa'n techjoc yailal, man̈x 'a pax tas yuj 'i'n cob' to pitzn in.

Job 11:17

Toto tza na a b'a, wach'xam 'icha to ach can 'a q'uic'q'uinl yuj a yailal tic, palta ax ticnec, 'icha to 'oj sacb' pax 'el 'a eb'an̈. Caw tzaljc'ojlal 'oj a canxi, 'icha wal to chimc'ul 'aj 'aych pax 'eq'ui.

Job 11:19

'Oj elj 'a tzaljc'ojlal, man̈x 'a mach 'oj a xib'tni. Til pax wal eb' 'anma 'oj jawc 'ayach, ax yoch eb' a wach'c'ojloc.

Salmos 127:2

May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.