Job 11:17 - Chuj San Sebastian Bible

¹⁷ Toto tza na a b'a, wach'xam 'icha to ach can 'a q'uic'q'uinl yuj a yailal tic, palta ax ticnec, 'icha to 'oj sacb' pax 'el 'a eb'an̈. Caw tzaljc'ojlal 'oj a canxi, 'icha wal to chimc'ul 'aj 'aych pax 'eq'ui.

Chuj San Mateo Bible

¹⁷ Vach'chom ix ach can d'a q'uic'alq'uinal yuj a yaelal tic, palta axo ticnaic ichato ol sacb'ocpaxel d'a ib'an̈ icha d'a q'uin̈ib'alil. Tzalajc'olal ol ach ajxoc, ichato chimc'ualil b'aj ayach eq'ui.

Job 11:17 Referans Kwoze

Salmos 37:6

'Oj ya' checljoc qui tojl b'eyb'alec yet' qui wach' nab'enalec, 'icha wal stzictznil yoc c'u 'a chimc'ual, 'ixta wal yilxi.

Pr 4:18

A eb' tojl snab'en, a swach' b'eyb'al eb', caw tzq'ue'ch 'icha yic tzq'uel c'u 'a yic tzsacb'eli, masnto tzowb' yoc c'u cha.

Os 6:3

Ca'c wal quip cojcanec 'el Jehová. Tojln̈ej 'oj jawc 'ayn̈ec, 'icha wal cojcanec 'eli to 'oj sacb'oc. 'Oj yi' cot yaxilal 'ayn̈ec 'icha wal tz'aj sjaw b'ab'l yaxn̈ab' 'a sat lum tic, yet' pax 'a yic tz'och n̈ab'lq'uinal, 'oj schic cob' eb'.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Salmos 112:4

Caw 'ay schamc'ojlal eb', wach' snab'en eb', tojl tas tzb'o eb', yuj cha, 'icha junc cantil checl yoc 'a scal q'uic'q'uinal, 'ixta yaj Dios 'a eb' 'anma tojl snab'en.

Salmos 92:14

Wach'xam 'ichm 'anma xo eb', palta an̈j 'ijnoc te'nto yip eb'. 'Icha junc te te tzsatni, 'ixta 'eb'.

1 Cr 29:10

Yuj cha, 'ix yaln rey David wach' paxti 'a Jehová 'a sat smasnil eb' chon̈b' cha, 'ix yaln 'ixtic: Mamin Jehová, qui Diosal ach yet' qui mam 'ichm Israel on̈, alx cab' wach' paxti 'aych 'a smasnil tiempo.

Job 11:18

'Oj a canx 'a junc'ojlal, yujto 'ay jun tas 'aych yipc a c'ojol; a Dios 'oj a tan̈wni, ax a way 'a tzaljc'ojlal.

Job 22:26

Caw wal 'oj a tzalj pax yet' Dios cha, 'oj a'ch pax yipc a c'ojol.

Job 22:28

Ax tas 'oj laj a b'o', caw wach' 'oj 'el'choc smasnil; 'oj yac' sacq'uinl 'a eb'n̈ 'aj tzach 'eq'ui.

Job 29:3

A tzin tzictajni, yuj cha wach' wec' 'a scal q'uic'q'uinal.

Salmos 97:11

'Oj yac' sacq'uinl 'a eb' tojl sb'eyb'al, ax ya'n tzaljc'ojlal 'a eb' 'anma wach' snab'en.