Job 11:15 - Chuj San Sebastian Bible

¹⁵ To 'ixta', caw wal wach' elx 'a sat Dios, man̈x 'a jac a q'uixwc'ojlal; tzaljc'ojlal 'oj a canxi, man̈x 'a tas 'oj a xib'tni;

Chuj San Mateo Bible

¹⁵ Tato icha chi', vach' ilji d'a sat Dios, man̈xalaj b'aj ol ach q'uixvoc. Tzalajc'olal ol ach ajoc, man̈xa b'aj ol ach xivoc,

Job 11:15 Referans Kwoze

Job 22:26

Caw wal 'oj a tzalj pax yet' Dios cha, 'oj a'ch pax yipc a c'ojol.

1 Jn 2:28

A ticnec ex chamc'ojlb'il wu'uj, yowlal junn̈j cajc yet' Cristo 'a smasnil tiempo, sec wach' ma'oj qui xiwec ax sjawi. Ma'oj qui q'uixwec pax 'a yojltac yic 'oj jawc cha.

1 Ti 2:8

Yuj cha, tzin nib'ej, tzleslwi eb' winc 'a junjn lugar. A eb' tzyij chan̈ sc'ab' sleslwi cha, yowlal caw wach' sb'eyb'al eb' 'a sat Dios. May cab' schichnc'ojlal eb'. Man̈ 'a'moc owl eb'.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

Pr 28:1

A mach tzb'on maysch'olnil, wach'xam may mach tzpechni, palta mun tz'at 'eloc; ax pax mach wach' snab'en, te'tec' yaj 'icha junc no león.

Pr 14:26

Toto 'ay yel'ch Jehová 'a qui satec, caw te'n cajc tzyal cha, to 'ixta', 'oj stac' pax scoln sb'a eb' cunnalec.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Salmos 27:1

A Jehová tz'a'n sacq'uinl 'ayin, in Colmal paxi. A 'a tzin col in b'a, yuj cha, man̈x 'a in xiwc'ojlal. Man̈x 'a mach 'aj tzin xiwi.

Job 10:15

Toto 'ay in mul tz'och 'ayach, caw wal 'oltaquin; wach'xam wach' in, palta matz tac' woch 'a ojltac 'a junc'ojlal, yujto caw wal tzin q'uixw in nan cot in yailal.

Gn 4:7

Toto wach' tas tza b'o'o, tzaljc'ojlal am aji, palta tu tas tza nib'j a b'o', yuj cha, a maysch'olnil chi q'ueln xo 'och 'ayach yic tzach ya'n telwoc, palta tztac' ach tzac' 'ejm jun maysch'olnil cha, xchi.

Salmos 27:3

Wach'xam 'ay nan̈loc eb' soldado tz'och oyn 'ayin, mto tzcot eb' yac' owl wet'oc, palta matz in xiw xon jab'oc.

Salmos 46:2

Yuj cha, wach'xam tzicb'tan̈x lum lum tic, mto tzpax 'ejm jun tzo'n̈ witz tic 'a yich a mar,