Job 10:6 - Chuj San Sebastian Bible

⁶ ¿Tas pax yuj tza nib'j wal to tza say el in mul mto in paltail?

Chuj San Mateo Bible

⁶ Yuj chi' ¿tas yuj tza say valec' in mul yed' in paltail?

Job 10:6 Referans Kwoze

Sofonías 1:12

A 'a jun tiempoal cha, 'oj in tzictajc smasnil 'anma cajn 'a chon̈b' Jerusalén. 'Oj wa'ch syailal eb' 'anma may jac tas tzna'a, tzlaj cob' yaln eb' 'ixtic: A Jehová toc 'ay tas tzpactzej 'ayn̈ 'a wach'il, matz pactzej pax 'ayn̈ yet' yailal, xchi eb'.

Jeremías 2:34

Caw chi'ctac e pichl yuj schic'l eb' meb'a may jac smul. Xe mil cham eb', wach'xam man̈ wanoc yoch eb' 'elc'l 'ayex.

Salmos 44:21

toto 'ixta', ¿toc am ma'on̈ el coti? ¿toc 'ay junc tas c'ultac yaj to man̈ ojcoc?

Salmos 10:15

Mac' wecchjoc sc'ab' eb' tzb'on maysch'olnil. 'Ac' yowlal smaysch'olnilal eb' cha, tz'acn cab' tzyutj eb' stojn lajwc smul.

Job 14:16

A ticnec q'ueln ach 'och 'a in b'eyb'al, axam 'a yic jun c'ul cha, man̈x 'oj ec' am cuenta 'a in b'eyb'al.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

Dt 4:29

Palta toto a yic 'ayx 'ec' ta', ax snan sb'a e c'ojol, ax e c'ann scolwal Jehová qui Diosalec yet' smasnil e c'ojol mto yet' smasnil e nab'en, 'oj colwjoc ton 'ayex.

Job 7:20

Ach in Diosal stan̈mal 'anma aji, toto tz'och in mul 'ayach, ¿tom tzab' syal yu'uj? ¿Tas wal yuj a 'ayn tza tojlb'tzej 'och a jul-lab'? ¿Tom 'al wajch 'aych 'icha junc 'icatz?

Job 13:23

Al 'ayin 'ajtil xlaj 'och in mul, 'ajtil 'ay tas tu xwutej. 'Ajtil 'ay chi 'aj in 'ec' 'a yib'an̈.

Job 21:4

An tic, man̈oc yet' junc 'anma tzwac' owal; yuj cha, tzwutznan in c'ojol.

Job 33:13

¿Tas yuj tzalch 'a sat, chajtlto matz pac tas tzal 'a 'a?