Job 10:22 - Chuj San Sebastian Bible

²² 'Oj in can 'a jun lugar to man̈x 'a sacq'uinl tz'ilx ta', musn xoj ta 'a smasnil tiempo, 'a 'ajtil to a sacq'uinl tic, a chi q'uic'q'uinl pax yaj ta', xchi win Job.

Job 10:22 Referans Kwoze

Lc 16:26

An̈jtona', 'ay wal jun niwquil xab' 'aycn 'a qui nan̈l et'oc. Yuj cha, wach'xam 'ay mach tznib'j tz'at 'a tic, tzc'och 'a 'aj 'aych cha, matz tac' sc'axw 'ec' eb'. An̈jtona 'ex, matz tac' e c'axw 'e't 'a tic, xchi Abraham cha.

Jeremías 13:16

A tze na'a, to 'oj jawc sacq'uinal, palta to 'oj wach' q'uic'b'oc si'mb'il yu'uj. Yuj cha, meltzjan̈c 'a Jehová qui Diosalec, tzeyaln q'uet e mul, ya' sb'a mantzac ex telw 'a lum tzalctac yuj q'uic'q'uinl 'oj ya' coti.

Jeremías 2:6

Ma'ix snalb'ej meltzjoc cot sb'a eb' 'ayin, wach'xam an wijnac 'elt eb' 'a Egipto. 'Ix wi'n b'ey eb' 'a lum cusltac lu'um, lum tacn̈ sat, lum pa'ctac, lum 'ajtil caw 'ay smay, lum may junc mach cajn 'a sat, may pax junc mach tz'ec' 'a sat.

Salmos 88:12

¿Tom 'ay eb' 'oj alnc cot a tojlal, yet' smasnil tas satjub'tac yilx a b'ojnac? A 'aj 'ay q'uic'q'uinl yic chaml cha, ata tz'atcn jun tzo'n̈ chi 'a satc'ojlal.

Salmos 44:19

Wach'xam 'ixta', palta ach on̈ a'cn 'at 'a scal no noc' 'ay smay, on̈ a macn can pax 'ejm 'a scal q'uic'q'uinl yic chamel.

Salmos 23:4

Wach'xam tzin 'ec' 'a junc lugar 'aj caw q'uic'q'uinal, 'a 'aj 'ay smay in chami, palta matz in xiw yuj junc tas, yujto 'aych 'ec' wet'oc. 'Icha junc 'ilm calnelu tztan̈wj scalnelu yet' sc'ococh yet' pax sjixc'ab'te', 'ixta tzin otj in a tan̈wni.

Job 38:17

¿Tox am 'ix ela 'aj 'ay spuertail yet'l chamel?

Job 34:22

A eb' maysch'olnil sb'eyb'al, matz tac' sc'ub'x 'el eb' yuj q'uic'q'uinal.

Job 3:5

Comnoc 'ay junc tas q'uic'q'uinl x'ajch 'a yib'an̈ sec xq'uic'b' 'eli, mto a junc q'uic' 'asn tzc'ub'n 'eli, mto pax junc xo tas tz'ec' 'a sat sec x'och xiwc'ojlal 'a jun c'u cha.

Job 3:13

Comnoc chamnc in, to 'ixta', caw wal tzaljc'ojlal tzin wayi, caw wal tzin 'ilj 'a junc'ojlal.

Job 10:21

ya' sb'a mantzac in meltzj 'a yolyib'n̈q'uinl tic. Toto 'oj in chami, toc 'oj in jaw pax jun 'ejm xo.

Job 11:1

Xlajw cha, 'ix ta'w pax win Zofar, atn win 'aj Naamat:

Job 17:13

An tic, cojxnto tzin tan̈wj in chami, ax in c'och teln in way 'a scal q'uic'q'uinal.

Salmos 88:13

Mamin Jehová, an xo tic a 'aych tzwal in b'a, 'a junjn sq'uin̈b'ial tzin leslwi 'ayach.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.