Job 1:17 - Chuj San Sebastian Bible

¹⁷ Mantzac wal lajw yaln win cha, 'ix jaw junx winac, xyaln 'ixtic: —'Ay 'oxc'aj ewin caldeo 'ix c'och yac' owl quet' on̈, smiln cham ewin eb' yilmal e no cameyo, 'ix yelc'n 'at ewin e no'. Cojxn̈ej in 'elcni yic tzwul walnc ab' jun tic, xchi winac.

Chuj San Mateo Bible

¹⁷ Manto val lajvilaj yalan junxo vin̈ chi', ix javi junxo vin̈ yoxil, ix yalan vin̈ icha tic: —A eb' vin̈ caldeo, ox macan̈ val ix aj eb' vin̈ yac'an oval d'ayon̈. Ix smilancham masanil eb' vin̈ stan̈van noc' a camello eb' vin̈, ix yelc'anb'at noc' eb' vin̈. A inxon̈ej ix yal vel lemnajoc yic tzul valan ab'i, xchi vin̈.

Job 1:17 Referans Kwoze

Gn 11:28

'Ix cham win Harán 'a chon̈b' Ur 'a yol yic Caldea 'a 'aj 'aljnac. A yic mantzac cham smam, 'ix chami.

Habacuc 1:6

'Oj wi' cot eb' caldeo wul yac' owl eyet'oc. A jun tzo'n̈ 'anma cha, jun 'ejmn̈ej caw matz 'o'ch xon jac sc'ojl eb'. Cojn owl tznib'j eb', c'uxn tz'ec' yoymtoc eb' yolyib'n̈q'uinal yuj smacn 'ec' eb' lum lum to man̈ yico'oc.

Is 23:13

'Iltec wal x'aj lum Tiro, jun chon̈b' to an̈j 'a tic tzjaw te barco, palta ax eb' 'aj Babilonia 'ix laj b'onc chan̈ jun tzo'n̈ torre 'a spatquil 'el chon̈ab', xlaj sma'nc lan̈chjoc eb' jun tzo'n̈ niwc despacho, 'ix satn can 'el eb'. A eb' 'aj Babilonia 'ixta xmunlji, man̈oc eb' 'aj Asiria.

Job 1:15

axn wal cha, xc'och ewin sabeo, smiln can ewin eb' munljum, 'ix yelc'n 'at ewin e no smasnil. Cojxn̈ej in 'elcni yic tzwul walnc ab' jun tic, xchi winac.

A Ch'an̈ Schab'l Libro Samuel 1:3

'Ix sc'anb'n David 'ixtc 'a 'a: —¿'Ajtil tzach coti? xchi. —In cot 'elc 'a scamplamento eb' soldado israel, xchi winac.

Gn 11:31

Xlajw cha, 'ix 'el Taré 'a yol chon̈b' Ur 'a yol yic Caldea, yic tz'at 'a yol yic Canaán. 'Ix yi'n 'at jun yunnal yet'oc atn Abram, 'ix yi'n pax 'at Lot, atn win yixchiquin, win yunnal can win Harán, yet' 'ix yalb' winac, tzcuch Sarai. Xc'och eb' 'a chon̈b' Harán, ata 'ix can cajn eb' ta'.

Job 1:18

Wanto yaln win cha, 'ix jaw junx winac, xyaln win 'ixtic: —A ewin onnal yet' eb' 'ix esil, wan cob' swa eb', tzyu'n eb' tas tzyu'j 'a yatut win b'ab'l winac,

Ez 23:23

atn eb' 'aj Babilonia, eb' caldeo smasnil, eb' 'aj Pecod, eb' 'aj Soa, eb' 'aj Coa yet' smasnil eb' 'aj Asiria. Caw quelmtac eb' smasnil, caw wach' yilx eb'. 'Ayn̈j pax yopiso eb', 'ay eb' gobernador, 'ay eb' scapitan̈il eb' soldado, 'a'm owl wal eb' si'mb'il, 'ayn̈j q'ue eb' 'a yib'n̈ chej.