Job 1:16 - Chuj San Sebastian Bible

¹⁶ Mantzac lajw yaln win cha, 'ix jaw junx winac, xyaln 'a Job 'ixtic: —'Ix cot jun c'ac' 'a satchan̈ yuj Dios, 'ix tz'a e no calnelu yet' eb' yilmal e no'. Cojxn̈ej in 'elcni yic tzwul walnc ab' jun tic, xchi winac.

Chuj San Mateo Bible

¹⁶ Manto val lajvilaj yalan jun vin̈ chi', ix javi junxo vin̈, ix yalan vin̈ icha tic: —Ix cot c'ac' d'a satchaan̈ yuj Dios, ix cham masanil eb' vin̈ tan̈vum calnel yed' noc' calnel chi'. A inxon̈ej ix yal vel lemnajoc yic tzul valan ab'i, xchi vin̈.

Job 1:16 Referans Kwoze

A Ch'an̈ Schab'il Libro Yic Yab'ixal Eb' Rey 1:12

'Ix ta'w Elías 'ixtc 'a 'a: —Toto schecb' in Dios an tic, cot cab' c'ac' 'a satcha'an̈, ax a tz'a yet' 50 a soldado tic, xchi. 'Ix tz'a win capitan̈ yet' eb' 50 soldado cha.

Gn 19:24

Ax 'a satcha'an̈, ata 'ix ya' cot Jehová c'ac' yet' azufre 'a yib'n̈ chon̈b' Sodoma yet' Gomorra.

Apoc 13:13

'Ay jun tzo'n̈ milagro sch'oxo, caw niwn yel'chi. Xyij wal cot c'ac' 'a satcha'an̈, x'em 'a sat lum yil eb' 'anma'.

Am 7:4

'Ix sch'oxn pax Jehová Dios junx tic 'ayin: 'Ix wilni to c'ac' 'ix sc'anlb'ej yic xya'n 'och yailal, caw tzxexni 'icha stzac'ac', 'ix tup chan̈ a niwquil mar yu'uj, xtacj pax chan̈ lum lum tic.

A Ch'an̈ Schab'il Libro Yic Yab'ixal Eb' Rey 1:10

'Ix ta'w Elías 'ixtic: —Toto schecb' in Dios an tic, cot cab' c'ac' 'a satcha'an̈, ax a tz'a yet' 50 a soldado tic, xchi. Yajn̈ej 'ix cot c'ac' 'a satcha'an̈, 'ix tz'a win capitan̈ yet' eb' 50 soldado cha.

A Ch'an̈ B'ab'el Libro Yic Yab'ixal Eb' Rey 18:38

Xlajw cha, 'ix cot jupnjoc c'ac' 'a satchan̈ yuj Jehová. 'Ix tz'a no xajmb'al, te c'atzitz, q'uen q'uen cha, man̈x 'a jac spoccal xcani. 'Ix tup pax chan̈ a a 'ay 'a yol san̈ja cha.

Lv 10:2

Yuj cha, x'elt c'ac' 'a yojltac Jehová, 'ix tz'a eb' yu'uj, 'ixta x'aj eb' scham 'a yojltac.

A Ch'an̈ Schab'il Libro Yic Yab'ixal Eb' Rey 1:14

'In to a chawn̈ eb' capitan̈ yet' eb' soldado 'ix b'ab'l wulc' 'ayach, 'in 'ix tz'a eb' yuj c'ac' xcot 'a satcha'an̈. Tzin tew 'aych ticnec, 'o'ch cab' a c'ojl 'ayin, xchi.

A Ch'an̈ B'ab'el Libro Samuel 14:15

Smasnil eb' filisteo 'ayc' 'a yol scamplamento cha, yet' eb' pucnc 'el 'a spatquil 'eli, caw x'och jun niwquil xiwc'ojlal 'a eb', yet' eb' caw jeln 'a owal, caw xiw eb'. A wal 'a jun rato cha, 'ix 'ec' jun quixcab' 'a sat lum lum cha, 'ixtnta xyutj Dios ya'n cot jun niwquil xiwc'ojlal 'a scal eb'.

Lv 9:24

'Ix 'elt c'ac' 'a yojltac Jehová, 'ix ya'n tz'a no xajmb'al yet' xepu, 'ix tz'a no smasnil. A yic xyiln smasnil eb' israel jun tic, caw x'el yaw eb' yuj tzaljc'ojlal, x'em n̈ojnjoc eb' masnto squil 'ejm eb' snan̈l sat 'a sat lu'um.

Ex 9:28

'In caw wal tz'ec' 'a yib'n̈ sma'n sb'a c'u, yet' yejm q'uen sacb'at tic. Yuj cha, man̈x 'oj wi'c tiempo 'ayex, tztac' e 'at 'a 'ajtil tzeyal cha. Leslwan̈c 'a Jehová, sec tzyij 'el jun yailal tic 'a quib'n̈ on̈, xchi winac.

Salmos 45:3

Jalch espada 'a a nan̈al, ach to jeln a'n owal, yujto a tzch'oxn 'eli chajtlto niwn el'ch yet' opiso.