Jn 9:31 - Chuj San Sebastian Bible

³¹ Cojquec, caw matz yab' Dios slesl eb' maysch'olnil sb'eyb'al. Cojn eb' tzyal sb'a 'a 'a, eb' tzyiclni tas tzyala, cojn eb' tzyab' yico'.

Chuj San Mateo Bible

³¹ Cojtac to a Dios max ab'an slesal eb' chuc sc'ulej. An̈ej eb' syal sb'a d'ay, eb' sc'anab'ajan tas syala', an̈ej yic eb' syab'i.

Jn 9:31 Referans Kwoze

Pr 15:29

Caw najt yajl Jehová 'a stz'ey junc maysch'olnil sb'eyb'al, palta toto tojl snab'en, caw chab'il slesl yu'uj.

Is 1:15

A yic tzcob' ex leslwi, tzlaj cob' e mojchan̈ e c'ab' 'ayin, palta 'oj in c'ub'c 'el in sat 'ayex. Wach'xam cob' niwn tas tzeyal 'a e lesl cha, ma'oj wab'i', yujto milm ex cham 'anma'.

Pr 28:9

Toto 'ay junc mach matz nib'j yab' sley Dios, an̈jtona ma'oj yab' pax Dios slesal.

Miqueas 3:4

'Ay wal jun c'ual, 'oj cob' to eyawtc Jehová, palta man̈x 'oj ta'wc 'ayex. A wal 'a yic jun c'ul cha, 'oj sc'ub'c 'el sb'a 'ayx yuj tas maysch'olnil 'ix e b'o'o, xin chi 'a eb' yajl cha.

Salmos 145:19

A eb' yiclum 'ayach, tzac' tas tznib'j eb'. A yic tzc'ann eb' a colwal, yajn̈j cha, tzach colwj 'a eb'.

Zacarías 7:13

'Ix waln 'ixtic: 'Icha wal 'ix yutj sb'a eb', ma'ix schaj eb' yab' 'ayn an Jehová in, yic in paxtin 'a eb', an̈jtona 'ixta 'in pax jun xo, a yic 'ix tew eb' 'ayin, ma'in ta'w 'a eb'.

Pr 21:13

A mach matz chaj yab' tas tzc'an eb' meb'a', ax yic 'oj yalnc sb'a 'a Dios, ma'oj scha Dios yab' tas 'oj sc'an cha.

Jeremías 14:12

Wach'xam tz'och eb' 'a c'ajb'c'ojlal, palta ma'oj in ta'w 'a eb'. Wach'xam caw niwn xajmb'al tzyac' tz'a eb', wach'xam pax caw niwn sat 'awb'en tzyij cot eb' ofrendail 'ayin, palta ma'oj in tzalj yet' eb'. 'Oj wac' satl eb' yuj owal, yuj wejel, yuj yab'il, xchi 'ayin.

Jn 15:16

Ax tic, man̈oc ex in e sic' 'elta. Palta to an ex in sic' 'elta. 'Ix wa'n 'och eyopiso, ex in checn 'at satnoc. Ax jun tzo'n̈ e sat cha, 'oj can 'a jun 'ejmn̈ej. Yuj cha, jantcn̈ej tas tze c'an 'a qui Mam Dios 'a in b'i, 'oj ya'n̈j 'ayex.

Ez 8:18

'Oj wa' cot wal yowl in c'ojl 'a yib'n̈ eb', man̈x 'a in niwnc'ojlal 'a eb'. Wach'xam 'oj cob' 'el yaw eb' yaln sb'a 'ayin, palta ma'oj wab' tas tzyal eb' cha, xchi Dios 'ayin.

Jn 4:34

Palta xyaln pax 'ixtc 'a eb': —Caw tzin nib'j tzin b'o tas tznib'j jun checjnacn coti, masnto tzin laj smunljel ya'jnac 'ayin. A yic tzin b'on jun cha, 'icha to ata tzin wa'i.

Salmos 18:41

'Ix cob' sc'an eb' colwal, palta may mach xcoln eb'. 'Ix cob' yal sb'a eb' 'aych Mamin Jehová, palta toc ach ta'w 'a eb'.

Job 42:8

Yuj cha, a ticnec b'i'an, 'ijec cot ucwn̈oc no quelm wacax yet' ucwn̈oc no mam calnelu, tz'at eya'n 'a win in checb' Job, ax win 'oj 'a'nc e no xajmb'al-l 'ayn eyu'uj. Ax sleslwi win eyu'uj, ax in chan slesl win cha, sec may 'oj ex wutc yuj e man̈ nab'enal, 'icha wal smoj e chani, yujto man̈ wach'c tas xeyal 'a in patic, 'icha xyutj sb'a win in checb' cha, xchi Dios.

Job 35:12

Tzcob' yal sb'a eb' tz'ixtx chi 'a Dios, palta matz ta'w 'a eb', yujto caw wal tu sb'eyb'al eb', b'an̈quintac pax eb'.

Jn 7:17

Toto 'ay mach tzyal sc'ojl tzb'o 'icha tznib'j Dios, 'oj nachjoc 'el yu'uj, to yic Dios jun tzo'n̈ cuynb'il tic, man̈ munoc tzwal 'a yol wico'.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Jeremías 11:11

Yuj cha, an Jehová in, an tzwala, to 'oj wa' cot yailal 'a yib'n̈ eb', man̈x 'oj stac' s'at eb' 'elc 'a 'a. Wach'xam 'oj 'el yaw eb', ax sc'ann eb' in colwal, palta man̈x 'oj in ta'w 'a eb'.

Is 58:9

Yuj cha, toto 'oj eyawj 'ayin, yajn̈ej ax in ta'w 'ayex; toto 'oj 'el eyaw e c'ann in colwal, 'oj wal 'ixtc 'ayex: Waj 'a tic, 'oj in chioc. Tzeyij 'el jun tzo'n̈ maysch'olnil chi 'a e cal, man̈x comnoc tze tzuntzj junc eyit 'anma'il, man̈x comnoc tzeya'ch junc 'es paxti 'a yib'an̈.

Salmos 143:10

Cuyn 'a tas 'icha tza nib'ej, yujto in Diosal ach. Ax Espíritu wach', a cab' tzin quetzn b'ey 'a jun b'e caw wach'.

Gn 20:7

A ticnec, 'ac' meltzjoc 'ix 'a yichmil, yujto in checb' yaj winac, tztac' sleslwi win o'oj, sec matz ach chami. Palta toto ma'oj ac' meltzjoc 'ix, wal yel 'oj a chami, yet' jantcn̈ej mach 'ayc' et'oc, smasnil 'oj chamoc, xchi Dios 'a winac.

Gn 19:29

Palta a yic 'ix ya'n Dios lajwc jun tzo'n̈ chon̈b' 'a jun pan̈n 'aj 'ix 'ec' cajn win Lot cha, 'ix snan cot tas 'ix sc'an Abraham, yuj cha, xcolx can 'elt Lot yuj 'a jun niwquil yailal cha.

Salmos 106:23

Xa nalb'ej a satn 'el eb' qui mam quichm on̈, palta ax Moisés win sic'b'il 'el o'oj, 'ix tew 'aych yuj eb'; yuj cha, 'ix 'ec' yowl a c'ojl 'a yib'n̈ eb', man̈x 'ic a satl eb'.

Salmos 99:6

A Moisés yet' Aarón 'aych eb' 'a scal eb' ya'mal 'och sti eb' 'anma 'a Dios. Ax Samuel 'ayc' 'a scal eb' xyal sb'a 'a Dios cha. A eb' tzyal sb'a 'a Jehová, tzta'w 'a eb', toto tzc'an eb' scolwal.

Salmos 40:8

Caw tzchaj in c'ojl in b'on tas tza nib'ej, molb'il a checnb'il wuj 'a in nab'en, xin chi 'ayach.

A Ch'an̈ Carta D'a Eb' Hebreo 10:7

Yuj cha, waln 'ixtc 'ayach: Waj 'a tic ach in Diosal, in jaw wul in b'o tas tza nib'ej, 'icha yaj stz'ib'x can wab'xil 'a Ch'an̈ U'un̈, xchi Cristo.

Dt 1:45

Ax yic ex laj japxi, xlaj eyamn 'och eyoc' 'a yojltac Jehová, palta man̈x 'ic yab' Jehová tas xeyal cha.

Job 35:13

A Dios tztac' yuj smasnil, matz chaj yab' paxti may yel'chi.

Jn 9:30

—'E... ¿Tasm jun? Ax tic, tzeyala to man̈ eyojcoc, mach 'a'jnac yopiso winac. Palta 'in 'ix jacw in sat tic yu'uj.

Jn 9:32

Mant 'a junc mach tzcab' sjacn sat junc matz uj yiln xoni yic tz'alji.

Jn 11:22

Palta ax ticnec, wojtac tzann̈j tas 'oj a c'an 'a Dios, a 'oj 'a'nc 'ayach, xchi 'ix 'a 'a.