Jn 9:28 - Chuj San Sebastian Bible

²⁸ Yic 'ix yab'n ewin jun tzo'n̈ tic, caw xb'uchwj ewin 'a winac. 'Ix yaln ewin 'ixtic: —Ach tic, scuywum ach ton jun winc cha. Aln̈ tic on̈, scuywum on̈ Moisés on̈.

Chuj San Mateo Bible

²⁸ Ayic ix yab'an juntzan̈ chi' eb' vin̈, ix te b'uchji vin̈ yuj eb' vin̈. Ix yalan eb' vin̈: —A ach tic, sc'ayb'um ach ton jun vin̈ chi'. Xal on̈ tic, sc'ayb'um on̈ Moisés.

Jn 9:28 Referans Kwoze

Ro 2:17

Palta 'ayx tzeyalch wal e b'a israelal si'mb'il, cojxn ley yic Moisés tzeya'ch wal yipc e c'ojol, caw tzeyij chan̈ e b'a, yujto schon̈b' ex Dios.

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.

1 Co 6:10

An̈jtona', eb' 'elc'um, eb' tznib'n 'och tas 'ay 'a junc xo mach, eb' 'u'm 'an̈, eb' b'ajwjum, yet' pax eb' tzcomn to'n 'ec' junc tas 'a junc xo mach. Atn eb' tic, toxn ma'oj c'och 'a yol sc'ab' Dios.

1 Co 4:12

Caw wal tz'el quip qui munlj yet' qui c'ab' tic on̈. Ax eb' 'anma', tzb'uchwj eb' 'ayn̈ on̈, palta tzqui c'an cot swach'c'ojlal Dios 'a yib'n̈ eb' on̈. 'Ay 'aj tzya'ch eb' yailal 'a quib'n̈ on̈, palta tzcac' techjoc on̈.

Jn 9:34

—'In ach tic, toxn 'ajmul ach yic alji. ¿Tom tza nib'j tzon̈ cob' a cuy on̈? xchi ewinac. Xlajw xoj cha, spechn 'elt ewin 'a scal.

Jn 7:19

A Moisés, a 'a'jnac can sley Dios 'ayex. Palta 'in may junc ex tzeyiclj tas tzyal jun ley cha. ¿Tas yuj tze nib'j tzin e mila? xchi Jesús 'a eb'.

Mt 27:39

Ax eb' xlaj 'ec' ta', xb'uchwj eb', xlaj pax ch'umnjoc eb' 'a 'a,

Mt 5:11

Ax xo tic, q'uinloc wujn̈ej tzex b'ajxi, toto 'ay tas maysch'olnil tz'ajx 'och 'a eyib'an̈, mto wujn̈ej tz'ajx 'och jun tzo'n̈ 'es 'a eyib'an̈, toto 'ixta', caw wach' pax eyico'.

Is 51:7

A mach 'ojtnac tojlal, ex to tzeya'ch in checnb'il 'a e nab'en, 'ab'tec tas 'oj wala': Man̈ ex xiw yuj sb'uchwal paxti eb' 'anma', man̈ eyac' chab'c'ojlal yuj tas ya tzyal eb' 'ayex.