Jn 9:10 - Chuj San Sebastian Bible

¹⁰ —¿Tas wal x'aj sjacw a sat tic jun? xchi eb' 'a winac.

Chuj San Mateo Bible

¹⁰ —¿Tas ix aj sb'o ilan jun? xchi eb' d'a vin̈.

Jn 9:10 Referans Kwoze

1 Co 15:35

Tecn 'ay junc ex 'oj e c'anb'c 'ayn 'ixtic: A eb' chamnc xo tzal cha, ¿tast wal 'oj 'aj eb' spitzw paxi? ¿Chajtl am yilx sniwnal eb', ax spitzw pax eb'? tecn 'oj e chioc.

Jn 9:26

—Palta ¿tas wal ach yutj winac? ¿Chajtl 'ix yutj win sjacn a sat tic? xchi ewin 'a 'a.

Jn 9:21

Palta man̈ cojcoc on̈, tasm x'aj sjacw yol sat tic. Man̈ cojcoc pax on̈, machm 'ix jacn 'a 'a. 'In 'ayx sq'uinl winac, ¿tas yuj man̈oc 'a win tze c'anb'j eyab'i'? A win 'oj stac' yaln 'ayex, tas x'aj sjacw yol sat tic, xchi eb'.

Jn 9:15

Yuj cha, 'ix sc'anb'n ewin fariseo chi 'a win 'ixtic: —¿Tas wal x'aj sjacw a sat tic jun? xchi ewinac. —A Jesús, a 'ix sucn 'och jab' b'i'ch 'a yol in sat tic. Xlajw cha, 'ix ya'n in b'icli. Yuj cha, wach'x wiln ticnec, xchi winac.

Jn 3:9

—¿Tas wal 'oj 'aj sb'o jun tzo'n̈ tic? xchi win 'a 'a.

Mr 4:27

Tzlajw cha, tzway win 'a junjn 'ac'wal, tzq'uex wan win 'a junjn c'u. Ax jun tzo'n̈ 'in̈t cha, tzpaq'ui, tzq'uib'i, palta man̈ yojcoc winac tas wal tz'aj sq'uib'i.

Ec 11:5

Man̈ cojcoquec 'aj tzcot 'ic', man̈ cojcoquec pax tas tz'aj sq'uib' junc 'unn 'a yol sc'ojl snun; 'ixtnta pax man̈ cojcoquec tas wan sb'on Dios, atn jun Dios xb'on smasnil tas.

Jeremías 36:17

'Ix yaln eb' 'ixtc 'a win Baruc cha: —Al 'ayn̈ on̈, tas 'ix otj a tz'ib'n jun tzo'n̈ tic. ¿Am Jeremías 'ix aln 'ayach? xchi eb'.

Jn 6:1

Xlajw cha, 'ix 'at Jesús, 'ix c'ochx 'a junx sc'axpil 'ec' sti a mar yic Galilea. A jun a cha, Tiberias pax sb'i.

Jn 9:9

—Atn winac, xchi jun tzo'n̈ xo eb'. —Ma'ay, a jun winc tic, to ton̈j lajn yilx yet' jun matz uj yiln cha, xchi jun tzo'n̈ xo eb'. Palta xyaln win 'ixtc 'a eb': —An ton tic, xchi winac.

Jn 9:11

—A jun Jesús sb'i, a x'a'n jacwc in sat tic. 'Ix sb'o jab' b'i'ch yet' stzub'. Sucn 'och 'a yol in sat tic. Xlajw cha, xyaln 'ayn 'ixtic: 'Ixc 'a jun tanque tzcuch Siloé. 'At b'icl a sat chi ta', xchi 'ayin. Yuj cha, xit' in b'icnc 'el in sat tic ta'. 'Ixta x'aj sjacw in sat tic, xchi winac.